AzTV Tuğdakı əsir düşərgəsində: vahiməli görüntü və şahidin danışdığı dəhşətlər EKSKLÜZİV REPORTAJDA

AzTV Xocavənddəki əsir düşərgəsindən reportaj hazırlayıb

"Azərbaycan Televiziya və Radio Verilişləri" QSC (AzTV) Ermənistanın işğalından azad edilən Xocavəndin Tuğ kəndindəki əsir düşərgəsindən maraqlı reportaj hazırlayıb.

QSC-nin İctimaiyyətlə əlaqələr və sosial media şöbəsinin məlumatına görə, Tuğ kəndindəki dəmir barmaqlıqlı kameralarda erməni silahlıları azərbaycanlı əsirləri saxlayıb. Əsirlərin saxlanıldığı ağır qapılı qaranlıq və soyuq otaqlar erməni əsirliyində olan azərbaycanlıları saxlamaq və onlara olmazın zülm etmək üçün qurulub. Tuğ kəndində Ermənistan silahlı dəstələri tərəfindən yaradılan belə yerlər kifayət qədərdir. İçərisi qaranlıq, yalnız çöldən dəstəyi olan, pəncərəsiz və evlərin əsasən zirzəmisində. Qapıların yuxarı hissəsində olan dəmir barmaqlıqlı xırda nəfəsliklər isə bu otaqların saxlanc yeri yox, məhz əsirlərin kamerası olduğunu tutarlı fakt olaraq sübuta yetirir.
4 ay əsirlikdə qalan Azərbaycan vətəndaşı Eldar Babayev 29 il sonra yenidən bu ərazilərə qayıdıb və əməkdaşımıza yaşadığı dəhşətləri danışıb. O deyir ki, 4 ay əsirlik onun üçün 4 əsrə barəbər olub. 1993-cü il yanvarın 4-ü əsir götürülən E. Babayev burda başqa əsirlərin də olduğunu görüb. Onlara içməyə su belə verməyiblər və dəmirlə, taxta ilə döyüblər. Gördüyü işgəncələr isə onun sağlamlığında ciddi fəsadlar yaradıb.

Tuğda saxlanılan azərbaycanlı əsirlər həm də ağır əl əməyinə cəlb olunublar. Tuğ kəndinin kəndarası yollarındakı daş üzlüklü yolları bunun sübutudur. Çünki Tuğ sakinləri deyir ki, işğala qədər burada bu cür yollar olmayıb. Bu daşların hamısı mişar daşlarıdır. Daşlar əsirlikdə olan azərbaycanlıların ağır əl əməyi hesabına elə azərbaycanlıların öz evlərindən sökülərək buraya daşınıb və onların ağır əl əməyi hesabına yollara döşənib.

Tuğ kəndi 1991-ci il oktyabr ayının 30-dan 31-nə keçən gecə Ermənistan Silahlı Qüvvələri tərəfindən işğal edilib. 2020-ci il noyabr ayının 9-u isə Azərbaycan Ordusu tərəfindən işğaldan azad olunub.


Copyright © AZTV

YouTube kanalına abunə olun: https://bit.ly/2ZKtzKO

Facebook - https://bit.ly/38x28YP
İnstagram -
Twitter - https://bit.ly/2VPe976
Youtube - https://bit.ly/31Qb1eY
Telegram: https://bit.ly/3heof98

Rəsmi sayt:
https://bit.ly/3e28gJJ AZ
https://bit.ly/3dZP4MJ RU
https://bit.ly/2Z4EMH9 EN

AzTV hazırda “Azərbaycan Televiziya və Radio Verilişləri” QSC-nin nəzdində fəaliyyət göstərir, 1956-cı il fevralın 14-də yayıma başlayıb. Azərbaycan Televiziyasının dünyada 10-dan çox müxbir məntəqələri fəaliyyət göstərir. 2007-ci ildə Avropaya yayımın texniki səviyyəsinə görə AzTV “Avropa keyfiyyəti” medalına layiq görülüb.

Azərbaycan Respublikasının Prezidenti İlham Əliyevin 4 sentyabr 2019-cu il tarixli sərəncamı ilə Rövşən Məmmədov “Azərbaycan Televiziya və Radio Verilişləri” Qapalı Səhmdar Cəmiyyətinin sədri təyin edilib. Rövşən Məmmədov 2019-cu ildən QSC-də uğurlu islahatlara başlayıb, qurumun nəzdində fəaliyyət göstərən TV kanalları rebrendinq olunub. Rövşən Məmmədov televiziya kanallarının texniki təchizatının yenilənməsinə xüsusi diqqət ayırıb. Hər üç TV kanalında onlarla yeni uğurlu layihələr hazırlanıb, yüzlərlə bədii-sənədli film istehsal olunub. 2021-ci ildən AzTV HD formatında yayıma başlayıb.

#AZTV #AzərbaycanTeleviziyası #aztv