အစ္စလာမစ်ဂိုဏ်းဂဏများ

====================================================
ယခင်တင်ပြမှုမှာ ကျမ်းတောင်မြတ်ကုရ်အာန် အခန်း(၁၁၄)ခန်းကို (၁၄၄) ခန်းဟုမှားယွင်းတင်ပြထားရာ ပြန်လည်ပြင်ဆင်လိုက်ပါတယ်။
========================================================
အစ္စလာမ်ယုံကြည်မှုအရ အစ္စလာမ်ဆိုတာ အေဒီ(၆၁၀)ခုနှစ်ကစလို့ တမန်တော်မုဟမ္မဒ်ဆီသို့ အလ္လာဟ်ရှင်မြတ်ထံ တော်ကနေ ကျမ်းတော်မြတ်ကုရ်အာန်ကို အာရဗီဘာသာစကားနဲ့ ထုတ်ပြန်ပို့ချခဲ့ရာကနေ စတင်ခဲ့တာ ဖြစ်ပါတယ်။ ဒီပို့ချမှုဟာ သူကွယ်လွန်ချိန် အေဒီ (၆၃၂) ခုနှစ်ထိ ဖြစ်ပါတယ်။ ဒီထုတ်ပြန်ပို့ချမှုတွေကို စာအုပ်ပုံစံစုစည်းထားတာကို ကုရ်အာန် လို့ခေါ်ပါတယ်။ မွတ်စလင်တို့က ကျမ်းတော်မြတ်ကုရ်အာန်ကို ဘာသာရေးရာ အမြင့်ဆုံးတရားတော် အဖြစ် ဆုပ်ကိုင်ထားပါတယ်။ ကျမ်းတော်မြတ်ကုရ်အာန် အဓိပ္ပါယ်ဖွင့်ဆိုချက်တွေမှာ ကွဲလွဲမှုတွေရှိနေတယ်ဆိုပေမယ့် မွတ်စ လင် အားလုံးက ဒီဖွင့်ဆိုချက်တွေကို တစ်ညီတစ်ညွတ်တည်း သဘောတူကြတာမျိုး မဟုတ်ပါ။ သို့သော် ကျမ်းတော် မြတ်ကုရ်အာန်ကို အမြင့်ဆုံး အသာလွန်ဆုံးအဖြစ် ဆုပ်ကိုင်ထားကြရာမှာတော့ မွတ်စလင်အားလုံး တူညီကြပါတယ်။

ကျမ်းတော်မြတ်ကုရ်အာန်ကို ထုတ်ပြန်ပြီး (၁၁) နှစ် (၁၂)နှစ် အကြာ၊ ကိုယ်တော်မြတ်ဟာ မိမိမွေးရပ်ဇာတိ မက္ကာကို စွန့် ခွာပြီး ယာတရိဗ် (ဒီနေ့အခေါ် မဒီနာ) သို့ပြောင်းရွှေ့ခဲ့ရပါတယ်။ ဒီလိုပြောင်းရွှေ့အခြေချခြင်းကို ဟစ်ဂျရာ လို့ခေါ်ပါ တယ်။ အစ္စလာမ်သမိုင်းမှာ ဒီအပြောင်းအရွှေ့ကို အရေးကြီးကဏ္ဍလို့ မှတ်တမ်းတင်ထားပါတယ်။ ဒီအပြောင်းအရွှေ့ကိုပဲ အစ္စလာမစ်ပြက္ခဒိန် (လူနာ) ပြက္ခဒိန်အစလို့ သတ်မှတ်ပါတယ်။ ကျမ်းတော်ကုရ်အာန် ပို့ချမှုတွေကလည်း ဒီအပြောင်း အရွှေ့နဲ့အတူ အပြောင်းအလဲတွေ ဖြစ်ခဲ့ပါတယ်။ ကျမ်းတော်ြမတ်ကုရ်အာန်ကို ဆူရာ လို့ခေါ်တဲ့ အခန်း(၁၁၄)ခန်းနဲ့ ဖွဲ့စည်းထားပါတယ်။ မက္ကာအခန်းတွေက ကိုယ်တော်ြမတ်ကြီးမက္ကာမှာ ရှိစဉ်တုန်းက ထုတ်ပြန်ခဲ့တဲ့ အခန်းတွေ ဖြစ်ကြ ပါတယ်။ မက္ကာအခန်းတွေဟာ သဘောထားအမြင်နဲ့ ကောက်နုတ်ချက်တွေကို စကားလုံးအသုံးအနှုန်း အရိုးရှင်းဆုံးပုံစံနဲ့ အလေးအနက်ထား တင်ပြထားတာ တွေ့နိုင်ပါတယ်။ ခြုံငုံသုံးသပ်ကြည့်မယ်ဆိုရင် တောင်ဟိဒ် သို့မဟုတ် တစ်ပါးတည်း ကို ကိုးကွယ်ခြင်းအကြောင်း၊ လူသားတို့ ကိုးကွယ်ရာအရှင်က တစ်ပါးတည်း ဖြစ်ကြောင်း၊ တရားစီရင်မယ့်နေ့တော် အ ကြောင်း (တစ်နေ့ ကမ္ဘာကြီး နိဂုံးချုပ်ရမယ်၊ လူသားအားလုံး ပြန်လည်ရှင်ပြန်ထမြောက်ကြရမယ်၊ လူ့လောကမှာ သူတို့ ရှင်သန်ခဲ့စဉ်က သူတို့ပြုခဲ့ကြသမျှ ကောင်းမှု / မကောင်းမှု အစုစုဟူသမျှတို့ကို စစ်ဆေးမေးမြန်းခြင်းခံယူပြီး တရား အဆုံး အဖြတ်ခံယူကြရမယ်၊ ဆိုတာတွေကို ရှင်းလင်းတင်ပြထားပါတယ်။ ဒါကြောင့် ယုံကြည်မှုကို ဗဟိုပြုထုတ် ပြန်တဲ့ အခန်းတွေလို့ ဆိုနိုင်ပါတယ်။ ကိုယ်တော်မြတ်ကြီး မဒီနာကို ပြောင်းရွှေ့အခြေချပြီးနောက် ကျမ်းတော်ကုရ်အာန်ထုတ် ပြန်ချက်တွေဟာ အများအားဖြင့် ကမ္ဘာ့ရေးရာတွေနဲ့ ပတ်သက်လာပါတယ်။ ကိုယ်တော်မြတ်ကြီးရဲ့ ဘဝအပြောင်းအလဲ နဲ့လည်း သက်ဆိုင်ပါလိမ့်မယ်။ မဒီနာသို့ ပြောင်းရွှေ့လာခဲ့တဲ့ ကိုယ်တော်မြတ်ကြီဟာ မက္ကာမှာလို တမန်တော်ချည်း သက်သက် မဟုတ်တော့ပဲ နိုင်ငံရေးခေါင်းဆောင်တစ်ဦးလည်း ဖြစ်လာခဲ့ပါတယ်။ တရားရေး၊ စစ်ရေး၊ သံတမန်ရေး အားလုံး သူ့တာဝန် ဖြစ်လာပါတယ်။ ကျမ်းတော်မြတ်ကုရ်အာန်ကလည်း ဒီအရေးကိစ္စတွေနဲ့ပတ်သက်လို့ ထုတ်ပြန်မှု တွေ ရှိလာပါတယ်။ ဒါကြောင့် မဒီနာ အခန်းတွေကို တရားရေး နဲ့ ဥပဒေရေးရာတွေကို ဗဟိုပြုထုတ်ပြန်တဲ့အခန်းတွေလို့ ဆိုနိုင် ပါတယ်။
====================
Music Oud Dance by Doug Maxwell