هلا هلا ( بدون دف) | كلمات محمد الخس - أداء فهد مطر 2018

إشترك وفعل التنبيهات في قناة فهد المطر لكي يصلك كل جديد
https://bit.ly/2IvNHWy

هلا .. هلا يا أم العيـون المظلة اللي بعيني ما لهن حلايا
فيهن تقول طراد خيل وسلّه إما هل الرّدات وإلا الطنايا
لا حذفوا عن الأمهار الأجلة وردوا لبيضٍ كنهن الحنايا
ورداتهم تشفي القلوب المغلة من غير حقران لباقي النحايا
يا بنت من ينطح وجيه المهلّة زيزوم عيراتٍ ومقدم سبايا
مع دربه العيرات مثل الأهلّة دايم سماريهن تتالى حفايا
العذر منك .. إني فلا قلت زله لا طاب حظ مصـورين الحكايا
ما فيك ما ينقال في كل ملّه وعـذروب أهلك يعـدّلون السـرايا
والزين فيك أحلى الوصايف مدلّه مالك بغضات الصبايا تهايا
شمس ٍعلى روس النوازي مطله شعاعها يرسل سهوم المنايا
لى بانت الغرّة عليها اسم .. الله بأطرافها تقل يتكاسف مرايا
مثل البروق بمزنةٍ مستهـلة تـوضي وكاسيها أشقـر ٍ له زوايا
ماشفتها إلا ساعـة مستـزله يوم الأعياد .. ويوم ذبح الضحايا
فالماقع اللي شافها النجع كله تلعب نهار العيـد بين الصبايا
بحجاجها سيفٍ من الهند سله تشـرق وتـرهق موسعين الهوايا
فإن كان ذا سبٍ أنا راعيٍ له يا سيـد كل مفلّجات الثنايا
وأنا ماسب الناس طبعي جبله لو كان أشوف الناس تمشي عرايا
إلا لياجا شاعـرٍ فيه خلّه مضيّـعٍ دربه وعنده نوايا