Amhrán an Speedvan

Amhrán an Speedvan

D’fhág mé an teach an lá cheana, faoi dheifir is le brí,
Thug mé m’aghaidh thar Daingean siar is mé ag déanamh ar Thír an Fhia,
Gan mórán aird ar mo ghraithe ‘am is mé ag deirfir le bheith in am,
Diabhail a’fhaca mé riamh an Speedvan a bhí tarraingnithe in Eanach Mheáin.

Bhí sé deireanach ‘am stopadh an t-am sin is mé ag imeacht ‘s cois go clár,
Is mé ag guí le Dia nach bhfeicfí mé nó nach nathnóidh siad an carr,
Sé gur thug mé tuilleadh bróig di, chas is chrom mo cheann,
Is má bhí fine le fáil sé déarfainn nach mé a bhí ann.

{c: Curfá}

Ó Chill Chiaráin go na hAille thoir is as sin go Doire an Fhéich,
Má fheiceann tú uait an speedvan seo a dhiabhail déan go réidh,
Mar is minic iad ar thaobh an bhóthair maidin moch nó titim oíche,
Is an oiread leis an bpotholes tráth nach mbrisfidís do chroí.

Mo mhallacht orthu siúd a casadh orm nár thug flash nó text fhéin,
Le rá go mbeadh sí faire ann is é thógáil go deas réidh,
Diabhail ‘s am cé méid é an bóthair sin ach tá ‘s am rud amháin,
Gur iomaí pictiúr tarraingthe acu dhom fhéin is mo charr bán.

Bhí coicís caite is diabhail litir tagtha bhí a’ cheapadh go raibh am,
Ach maidin inné is mé ag ól braon tae is mé ag éisteacht le Máirtín Tom,
Tháinig bean an phost thar tairseach isteach is leag sí ualach i mo ghóil,
Nach raibh dhá cheann déag do fineannaí ann ‘s gan amsa ach seic an dole.

{c: Curfá}

Isteach liom go Gaillimh is mo phócaí folamh go bhfeicfinn an breitheamh mór,
Bhí sí cantalach géar is í síneadh a méar is mise bodharaithe ag an ngleo,
Ansin labhair mé fhéin go múinte, réidh: One moment now a stór,
Níl ‘s am cé hé fhéin but that’s not my name, I put a fada above the O.

Caitheadh amach an cás is ag Dia tá ‘s fhios chuir sé ríméad ar mo chroí,
Cé cheapfadh tada don síneadh fada ach nár sháraigh sé an dlí,
Is má thagann form nó fine le n-íoc nó bille ón ESB,
As ucht Dé ort caith súil ghéar cén chaoi bhfuil d’ainm ann litrithe.

{c: Curfá}

Isteach liom sa gcarr 's bhí an tráthnóna breá is an ghrian ag teannadh siar,
Breá sásta liom fhéin tar éis an lae is an breitheamh curtha am dhíom,
Nuair a ghlaoigh an fón ‘s é i mo phóca, sé Timmy an tSeoighe a bhí ann,
Tá sí thiar ar bhóthar Loch an Iolra, abair é leis an gclann.

Tá deireadh anois le m’amhránsa is críochnóidh mé an dán,
Mo sheacht mallacht don na Speedvans cibé coirnéal a bhíonn siad ann,
Má leanann an chraic i bhfad eile diabhail carr a bheas ar bóthar,
Ach muid ag imeacht is an bicycle againn tabhairt aghaidh ar an mbaile mór.