Скачать или смотреть MPANGO WA JAMII IMARA MASHINANI NA BIMA YA SHA YAJADILIWA ISIOLO

Katibu wa kudumu katika Wizara ya Afya ya Umma, Mary Muthoni, amekutana na wakazi wa Isiolo katika kikao cha wazi kilicholenga kujadili mpango wa Jamii Imara Mashinani pamoja na masuala yanayohusu bima ya afya ya SHA.

Kikao hicho kiliwakutanisha wakazi, viongozi wa jamii pamoja na wakurugenzi kutoka idara mbalimbali, ambapo wananchi walipata fursa ya kuuliza maswali na kutoa maoni yao kuhusu changamoto zinazowakumba katika sekta ya afya, usalama na miundombinu ya barabara.

Akizungumza na wanahabari baada ya mkutano huo, Bi. Muthoni alisema kuwa lengo kuu la ziara hiyo ni kusikiliza moja kwa moja changamoto za wananchi hususan kuhusu utekelezaji wa bima ya afya ya SHA, hali ya usalama na miundombinu, ili kuandaa ripoti itakayowasilishwa kwa William Ruto kwa hatua zaidi.

Aidha, alisisitiza kuwa serikali kuu kwa kushirikiana na serikali ya kaunti itaendelea kuimarisha ushirikiano ili kuboresha utoaji wa huduma za afya na kuhakikisha huduma bora zinawafikia wananchi wote mashinani.

Katibu huyo pia aliwahimiza wakazi kushirikiana kwa karibu na wahudumu wa afya wa ngazi ya jamii (CHPs) pamoja na maafisa wa afya, kwa kutoa taarifa za changamoto za kiafya wanazokutana nazo ili ziweze kushughulikiwa mapema.

Kwa upande wake, Dkt. Muhamud Abdikadir alisema kuwa Idara ya Afya ya Kaunti ya Isiolo itaendelea na zoezi la kuwasajili wakazi katika bima ya afya, hatua ambayo inalenga kuhakikisha wananchi wanapata huduma bora za afya kwa gharama nafuu.

Naye Afisa Mkuu wa KEMSA, Waqo Ejersa, alisema kuwa kupitia uendelevu wa kifedha unaotokana na bima ya afya, wananchi wengi wameweza kupata matibabu kwa wakati na kwa ufanisi zaidi.

Wakati huo huo, Naibu Kamishna wa Isiolo, Edwin Kuria, alieleza kuwa tayari manaibu kamishna wawili wametumwa katika maeneo ya Oldonyiro na Sericho kwa lengo la kuanzisha na kukagua utekelezaji wa miradi ya serikali kuu. Aliwahimiza wakazi kushirikiana na vyombo vya usalama huku operesheni ya kiusalama ikiendelea.

Mkutano huo ulifanyika katika ukumbi wa Kanisa Katoliki Isiolo, ukihitimishwa kwa wito wa ushirikiano kati ya serikali na wananchi katika kufanikisha mpango wa Jamii Imara Mashinani.







Join this channel to get access to perks:
   / @wasotv  

WASO TV - Informing and Entertaining