Скачать или смотреть រឿងគីសនិងដុំសាច់ក្នុងតួស្បូន|Kimkanikar

#ការវះកាត់យកស្បូនចេញអាចធ្វើបានក្នុងករណីចាំបាច់ក្នុងករណីមានរោគសញ្ញាដូចជា៖

1. ពិបាកបង្កកំណើត
2. មានដុំសាច់ធំ អាចស្ទាបឃើញច្បាស់
3. ពេលមករដូវច្រើនៗនិងយូរថ្ងៃ
4. នោមញឹក ឬ ពិបាកខ្ទប់នោម
5. ទល់លាមករ៉ាំរ៉ៃ
6. ឈឺចុកអួលត្រង់លើថ្ងាស(ប្រដាប់ភេទ)
7. កើតភាវ:ស្លេកស្លាំង (បណ្តាលមកពីខទី៣)

បើមានកត្តាដូចខាងលើ ពេទ្យនឹងណែនាំឲ្យធ្វើការព្យាបាលភ្លាម ហើយបច្ចេកវិទ្យាក្នុងវះកាត់នាពេលបច្ចុប្បន្ននេះទំនើបនិងទាន់សម័យណាស់ មុខរបួសតូចឬសម្រាកក្នុងមន្ទីរពេទ្យរយ:ពេលខ្លី ឬវះកាត់ដោយការអង់ដូស្កូប(វះកាត់ដោយការសុងកាមេរ៉ាតាមមាត់ទ្វារមាស) គ្មានមុខរបួសក៏មាន (តម្លៃខ្ពស់តែគ្មានស្លាកស្នាម) តម្លៃអាស្រ័យលើមន្ទីរពេទ្យនិងពេទ្យជំនាញស្ថានភាពអ្នកជំងឺ មិនអាចប្រាប់ព្រាវឬប៉ានស្មានតាមចិត្តបានព្រោះអ្នកជំងឺត្រូវជួបពេទ្យនិងធ្វើរោគវិនិច្ឆ័យមើលស្ថានភាពជំងឺនិងឯកទេសផ្ទាល់សិនទើបអាចវាយតម្លៃបានថាត្រូវប្រើឧបរកណ៍អ្វីខ្លះ ធ្វើពេលយូរប៉ុណ្ណា និងមានជំងឺប្រចាំកាយផ្សេងៗឬទេ ។ល។

ប៉ុន្តែការវះកាត់នេះអាស្រ័យលើស្ថានភាពជំងឺផងដែរប្រសិនជាអ្នកជំងឺនៅក្មេង ចង់មានកូន ការវះកាត់នោះគឺវះកាត់ដើម្បីយកដុំសាច់ដែលដុះចេញតែប៉ុណ្ណោះដើម្បីទុកឱកាសឲ្យមានកូនបាន ប៉ុន្តែជម្រើសនេះដុំសាច់កើតវិលត្រឡប់មកកើតថ្មីទៀតតែកន្លែងផ្សេងៗក្នុងតួស្បូន


ប៉ុន្តែប្រសិនជាអាយុអ្នកជំងឺច្រើនហើយគឺប្រហែលជា40+ឡើង គ្រូពេទ្យនឹងធ្វើការវះកាត់យកទាំងតួស្បួននិងដៃស្បូនចេញចោល (ក្រពេញអូវ៉ែ ) មិនគ្រោះថ្នាក់ មិនបានធ្វើឲ្យចាស់លឿនដូចជំនឿដែលខ្លួនធ្លាប់ឭដាច់ខាត !!!

#សួរថាតើវះកាត់មានផលវិបាកអ្វីដែរឬទេ ??

#ចម្លើយគឺ មិនសោះឡើយប្រសិនជាអ្នកជំងឺបានទទួលការណែនាំនិងដំបូន្មានក្នុងការមើលថែខ្លួនបានត្រឹមត្រូវនិងពេទ្យជាឯកទេសជំនាញពិតប្រាកដ ដូចជាក្រោយវះកាត់ដេរមុខរបួសបានល្អ អ្នកជំងឺយល់ដឹងពីការមើលថែខ្លួនអំឡុងពេលសម្រាកក្នុងមន្ទីរពេទ្យពេលដេកក្នុងពេទ្យក៏គួរដើរច្រើនៗ ឬអង្គុយធ្វើចលនាជើងដើម្បីឲ្យពោះវៀនដើរខ្យល់ និងក្រោយចេញពីមន្ទីរពេទ្យ ហាមលើករបស់ធ្ងន់ៗ១-២ខែ ទទួលទានអាហារមានជាតិសរសៃច្រើនៗ ដើរហាត់ប្រាណដើម្បីសម្រួលសាច់ដុំនិងភាពតានតឹង មិនលើសមួយខែរាងកាយនិងសុខភាពនឹងត្រឡប់មករឹងមាំជាមិនខាន និងជៀសវាងកុំឲ្យត្រូវទឹក៧ថ្ងៃ

--------

#តើគីសក្នុងដៃស្បូនឬក្រពេញអូវ៉ែត្រូវធ្វើយ៉ាងដូចម្តេច ?

បញ្ជាក់ម្តងទៀតគឺ គីសគឺថង់ទឹក តែគីសក្នុងដៃស្បូនដែលមិនគប្បីទុកនាំបង្កហានិភ័យគ្រោះថ្នាក់ដល់អាយុជីវិតមានច្រើនប្រភេទ

1. គីសឈាម( Chocolate Cyst )
2. គីសឌឺម៉យ ( Dermoid cysts )
មានច្រើនប្រភេទទៀតតែជ្រើសយកប្រភេទគីសសំខាន់ៗដែលប្រទះញឹកញាប់
3. ដុំសាច់ (Tumor ) ចំណុចនេះគ្រោះថ្នាក់ កម្រជួប
តែបើមានគឺសញ្ញានៃជំងឺមហារីកក្រពេញអូវ៉ែ

បើមានរោគសញ្ញាដូចខាងលើ ក៏មិនគប្បីបៀមទុក្ខឡើយសម្រេចចិត្តធ្វើការវះកាត់យកចេញភ្លាម

“ ជីវិតនេះសែនខ្លី វះកាត់លឿនជាលឿន សុខចិត្តឈឺមួយគ្រាប្រសើរជាងទ្រាំបៀមទុក្ខវេទនាយូរអង្វែង”

ហើយសព្វថ្ងៃគេមានបច្ចេកវិទ្យាទំនើបវះកាត់ដោយកាមេរ៉ាស្កូប មុខរបួសតូចជាងសះស្បើយលឿនឈ្មោះថា Laparoscopic Surgery តម្លៃមិនអាចប្រាប់ព្រាវៗ បានវាអាស្រ័យលើ #ស្ថានភាពជំងឺ #មន្ទីរពេទ្យ #វេជ្ជបណ្ឌិតជំនាញ

ចំណែកការមើលថែមិនខុសគ្នាពីការវះកាត់ស្បូនឡើយ ជាធម្មតាក្រោយពីវះកាត់ហើយគ្រប់៧ថ្ងៃក៏អាចវិលត្រឡប់ទៅធ្វើការបានធម្មតា ទទួលទានសាច់មាន់ ស៊ុត សាច់អ្វីក៏បានតាមចិត្ត ជៀសវាងកុំឲ្យត្រូវទឹក៧ថ្ងៃ ជូតខ្លួនធម្មតា ជាដើម

#ការធ្វើរោគវិនិច្ឆ័យដើម្បីដឹងមូលហេតុនិងដាក់ផែនការក្នុងការព្យាបាល

1. សាកសួររោគសញ្ញា ប្រវត្តិជំងឺ
2. ពិនិត្យឈាម មើលកម្រិត CBC និងផ្សេងៗតាមការយល់ឃើញពេទ្យ
3. ពិនិត្យអេកូសាស្រ្តតាមរយ:មាត់ទ្វារ ( ច្បាស់ជាងការអេកូពីក្បាលពោះ )
ឃើញប្រភេទគីស ឬដុំសាច់ ទំហំ ទីតាំងច្បាស់លាស់ហើយទើបអាចណែនាំពីការព្យាបាលថាគួរធ្វើយ៉ាងណាបន្ត

តាមការពិតហើយធ្លាប់ចេញឃ្លីបនិងសរសេរបង្ហោះមកច្រើនដងហើយដែរ នេះក៏សរសេរសាងឡើងថ្មីម្តងទៀតជូនអ្នកដែលមិនទាន់អាន ដើម្បីយល់ដឹងនិងមើលថែសម្រេចចិត្ត បង្ការបានត្រឹមត្រូវ


ចិត្ត្រា ស្នេហាអ្នកអាន


  / 3126214234321528