Өңірде 33 спорт мекемесі бар. Оның төртеуі кәсіби клубтар, ал, қалғаны жоғары спорт шеберлігі мектептері. Онда 23 мыңға жуық өрен жаттығады. Ал, жыл басынан бері аймақта 9 спорт нысаны бой көтерді. Осы спорттық нысандарға журналистер үшін пресс-тур ұйымдастырылды.
Тасбөгет кентіндегі дене шынықтыру-сауықтыру кешені былтыр қазан айында іске қосылды. Қазіргі таңда мұнда еркін күрес, таеквандо, қазақ күресі, каратэ, самбо секілді спорт үйірмелері жұмыс істеп тұр.
АЛМАТ ҚАЛЕНОВ - №5 ОБЛЫСТЫҚ ОЛИМПИАДАЛЫҚ РЕЗЕРВТІҢ МАМАНДАНДЫРЫЛҒАН БАЛАЛАР ЖАСӨСПІРІМДЕР МЕКТЕБІ ДИРЕКТОРЫНЫҢ ОРЫНБАСАРЫ
Балалардың жаттығуына толық жағдай жасалған. Жуыну, киіну бөлмелері, медпункт жақсы жағдай жасалып тұр. Алдағы уақытта әлемді бағындыратын жеңімпаздар мен жүлдегерлер шығады деген ойдамыз.
Сол жағалаудағы жаңадан бой көтерген теннис орталығы жастардың сүйікті орындарының біріне айналып келеді. 16 үстел теннисі, 350 көрерменге арналған трибунасы, жаттығу залы талапқа сай.
ДМИТРИЙ ПЕРЕВЕРЗЕВ – ҮСТЕЛ ТЕННИСІНЕН ҰЛТТЫҚ ҚҰРАМАНЫҢ АҒА ЖАТТЫҚТЫРУШЫСЫ
Соңғы жылдары елімізде үстел теннисі қарқынды дамып жатыр. Мәселен, Қызылордада осындай заманауи үлгідегі, барлық стандарттарға сай теннис орталығының салынуы жергілікті жерде ғана емес, бүкіл елде үстел теннисінің дамуына үлес қосады деп ойлаймын. Жуырда ғана республикалық үстел теннисі федерациясы президентімен жиналыста болып, оған өңірлерде шеберлік сағаттарын ұйымдастырғым келетінін жеткізген едім. Ұсынысымды қабылдап, міне, бірінші болып Қызылордада өткізіп жатырмын. Мұнда болашағынан үлкен үміт күттіретін жастар көп.
Тілшілер аялдаған келесі нысан – «Мұз айдыны» кешені. Орталықта ойын залы, грек-рим күресі, көркем гимнастика залдары мен мұз алаңы бар. Бүгінде ғимаратқа күрделі жөндеу жұмыстары жүргізілуде.
НИКОЛАЙ НЕКРАСОВ – «МҰЗ АЙДЫНЫ» СПОРТ КЕШЕНІНІҢ БАС ИНЖЕНЕРІ
«Мұз айдыны» ашылғалы бері 10 жылда құрал-жабдықтар, спорттық атрибутар, ғимараттағы көп дүние ескірді. Сол себепті, биыл жөндеу жұмыстарын бастап кеттік. Су құбыры толықтай жаңарды, мұз комбайндарының батареялары алмасты. Енді шатырды түгелімен ауыстырып, кіреберіс аймақты өзгертіп жатырмыз. Бұл жұмыстар жыл соңына дейін аяқталуы тиіс. Ал, келесі жылы қасбетін жаңартамыз.
Соңғы жылдары аймақта бұқаралық спорт қарқын алып, мемлекеттік-жекеменшік әріптестік негізінде көптеген спорттық нысандар салынды. Солардың бірі - «Мың бала» спорт кешені. Кешендегі 12 түрлі үйірмеде мыңнан аса бала спортқа машықтануда. Ерекшелігі сол, спорт ордасы мөлтек аудандағы балаларға тегін қызмет көрсетіп отыр.
СӘДІРБЕК ЖҰМАБЕК – СПОРТ КЕШЕНІНІҢ ДИРЕКТОРЫ
Бокс, кикбокс, таэквондо, дзюдо, самбо, грек-рим, қазақша күрес, волейбол, футбол, баскетбол және ұлттық садақ ату, ұлттық би спорт түрі қамтылған. Тренерлердің барлығы педагогикалық білімі бар, жоғары санатты жаттықтырушылар. 01:36+ Балалардың барлық шығыны екі тараптан қамтамасыз етілген. Қатысамын деушілерге есігіміз әрдайым ашық. Осы залдан олимпиада чемпионын шығаруға барынша еңбек етудеміз.
КҮЛЖӘМИКА ЕРӘЛИЕВА – ҚАЛА ТҰРҒЫНЫ
Менің бес немеремді спорттық үйірмеге тегін қатыстырып отыр. Айтар алғысым шексіз. Спорт баланы тәрбиелейді, спорт баланы жаман әдеттерден шектейді.
Пресс-тур барысында тілшілер №4 спорт мектебіне қарасты «Евразия» спорт кешенінің де жұмысымен танысты.
ЖІГЕР АЙЕКЕШОВ – ОБЛЫСТЫҚ ДЕНЕ ШЫНЫҚТЫРУ, СПОРТ ЖӘНЕ ТУРИЗМ БАСҚАРМАСЫ БАСШЫСЫНЫҢ ОРЫНБАСАРЫ
2023-2024 жылдары 13 спорт кешенінің құрылысы басталған болатын. Оның 9-ы пайдалануға берілді. Қазіргі таңда, жылдың аяғына дейін тағы 4 спорт кешенінің құрылысы аяқталып, ел игілігіне беріледі деген жоспарымыз бар. Сонымен қатар, 2025 жылы жоспарымызда бар облыс әкімінің тапсырмасымен «Қызылорда Арена» спорт кешенінің қазіргі таңда жоба сметалық құжаттары әзірленіп, дайындалуда. Нәтижесі бойынша 2025 жылы құрылысы басталады деген ойдамыз.
Жалпы биылғы жыл Сыр спортшылары үшін табысты жыл болғалы тұр. Жерлестеріміз бүгінге дейін республикалық, құрлықтық және әлемдік жарыстардан 800 медаль жеңіп алып, ел мерейін үстем етті.
Сайт - https://qyzylordatv.kz/ru/live
Facebook - / qyzylordatv
Instagram - / qyzylordatv
Telegram - https://t.me/qyzylords_tv
Tiktok - / qyzylorda_tv
Информация по комментариям в разработке