Скачать или смотреть 3 23-6, រដ្ឋបាលខេត្តកំពង់ធំបើកកិច្ចប្រជុំសាមញ្ញលើកទី ៤៥ របស់ក្រុមប្រឹក្សាខេត្ត

រដ្ឋបាលខេត្តកំពង់ធំបើកកិច្ចប្រជុំសាមញ្ញលើកទី ៤៥ របស់ក្រុមប្រឹក្សាខេត្ត

(កំពង់ធំ) ÷ នៅព្រឹកថ្ងៃទី ១៣ ខែមីនាឆ្នាំ ២០២៣ រដ្ឋបាលខេត្តកំពង់ធំ។បើកកិច្ចប្រជុំសាមញ្ញលើកទី ៤៥ របស់ក្រុមប្រឹក្សាខេត្តក្រោមអធិបតីភាពឯកឧត្តមឈុន ឈន់ និងឯកឧត្តម ញឹក បានខេងតំណាងដ៏ខ្ពង់ខ្ពស់របស់ឯកឧត្តមងួនរតនៈអភិបាលខេត្តកំពង់ធំ។ អញ្ជើញចូលរួមក្នុងកិច្ចប្រជុំនេះមានឯកឧត្តមលោកជំទាវ អភិបាលរងខេត្ត ឯកឧត្តម លោកជំទាវ សមាជិកក្រុមប្រឹក្សាខេត្ត តំណាងមន្ទីរពាក់ព័ន្ធនានាជុំវិញខេត្ត ព្រមទាំងកងកម្លាំងទាំងបីចូលរួមផងដែរ។
របៀបវារៈនៃកិច្ចប្រជុំមាន÷
១. ពិនិត្យកំណត់ហេតុប្រជុំលើកទី ៤៤
២. ពិនិត្យរបាយការណ៍ខែកុម្ភៈឆ្នាំ ២០២៣
៣. ពិនិត្យវាយតម្លៃផែនការវិនិយោគបីឆ្នាំរំកិលរបស់រដ្ឋបាលខេត្ត ឆ្នាំ ២០២៣ ដល់ឆ្នាំ ២០២៥
៤. ពិនិត្យ និងអនុម័ត សេចក្តីសម្រេចស្តីពី ការកែសម្រួល សមាសភាព គណៈកម្មាធិការពិគ្រោះយោបល់កិច្ចការស្ត្រី និងកុមាររបស់ក្រុមប្រឹក្សាខេត្តកំពង់ធំ
៥. បបញ្ហាផ្សេងៗ
របៀបវារៈ ខាងលើ នេះ ត្រូវ បាន ដាក់ ជូន អង្គប្រជុំ ពិនិត្យ និង ពិភាក្សា រួមគ្នា រួចមក ដោយ អនុម័តយល់ព្រម ពី ប្រធាន និង សមាជិក ក្រុមប្រឹក្សា ខេត្ត ដោយ ការ លើកដៃ យល់ព្រម ។
ជាមួយគ្នានោះដែរ ឯកឧត្តម ឈុន ឈន់ បានលើកឡើងនូវរបៀបវារៈនៃកិច្ចប្រជុំនីមួយៗ ហើយសមាជិកដែលចូលរួមទាំងអស់ បានលើកឡើងក្នុងអង្គប្រជុំ ធ្វើយ៉ាងណាកែលម្អ ទម្រង់របាយការណ៍ ឃ្លោងឃ្លា អក្ខរាវិរុទ្ធ ពោរពេញដោយអត្ថន័យ អោយកាន់តែប្រសើរឡើង សម្រាប់ទុកជាឯកសារគម្រូ ។
ក្នុងនោះផងដែរ ឯកឧត្តម ញឹក បានខេង បានសំណូមពរនិងជំរុញឲ្យអង្គភាពមន្ទីរពាក់ព័ន្ធទាំងអស់ត្រូវពន្លឿនក្នុងការធ្វើរបាយការណ៍មករដ្ឋបាលខេត្ត ដើម្បីឲ្យរដ្ឋបាលខេត្តមានពេលវេលាគ្រប់គ្រាន់។ក្នុងការពិនិត្យនិងកែតម្រូវ។នៅចំណុចខ្វះខាត។និងធ្វើយ៉ាងណាឲ្យរបាយការណ៍នេះអាចទទួលយកបាន។

នៅចុងបញ្ចប់ ឯកឧត្តម ឈុន ឈន់ បានជំរុញឲ្យអាជ្ញាធរពាក់ព័ន្ធទាំងអស់ត្រូវចូលរួមដោះស្រាយបញ្ហាផ្សេងៗ ជូនដល់បងប្អូនប្រជាពលរដ្ឋឲ្យបានទាន់ពេលវេលាជៀសវាងការថ្នាំងថ្នាក់និងសកម្មភាពអាសកម្មណាមួយដល់ពួកគាត់។