شيلة : الثلاث البيض لبني شهر مغنمها صحيحه | اداء : علي بن صمان | إنتاج : صولا ميديا 2023

( الثلاث البيض لبني شهر مغنمها صحيحه )
كلمات الشاعر : احمد الجحيني الشهري .
كلمات الشاعر : خالد آل حسن الشهري .
اداء المنشـــد : علي بن صمـان .
هندسه ومكس : نشوان هلال .
توزيـــــع موسيقـــــــي : AR .
تصميم الفيديو : فريـد حســـن .
إنتاج : صولا ميديــا 2023م -1445هـ
sola_media@
فرع الجنوب 0542693131
سناب
  / sola-med.  .
____________________________________________
كلمات العمل :

بعد دك الليل زارتني هواجيس القريحه
والرعد يرزم ونجم سهيل يدرج في مداره

والكواكب والنجوم اللي لها ومضه وضيحه
كن ربي حطها للشاعر ايمان و يساره

صغرت جبال الديار و ضاقت الارض الفسيحة
وايتوارى عن عيوني من غدى يشتب ناره

احسب اني خارج مدار المجره والشبيحة
( ونا في قمة جبل بركوك مرباع النماره )

ناولك من يحكم ابياته وله وجهة صحيحة
من مبادي عرف منطوقه قدح قدح الشراره

2
استهلت قافيتها عصم والألسن فصيحه
من عيون الشعر ناولها كما ظرف الوزارة

استقرت جوف نبعن محدن يجهل نضيحه
من جهل هداج تيماء جعل ما يوخذ قراره

و نسكب قافه من الدر المثمن ع الصفيحة
(جاوبك من سهل وادي الخير تيجان النعاره)

البيوت اللي تهول صاحب الذهن الرجيحه
تكتب بماي الذهب بأعلى الجدي ولا مساره

درهمت مثل الخيول اللي في الهيه جميحه
دون فارس معتليها ما تراضت ب انكساره

1
ما تشابه في بيوت الوصف للعين المليحه
اللي اضيَع مقام الرجل ليله من نهاره

ولاهي بوصف الجموس الفارهه ولا جميحه
(ولّا في جيبن يساوي قيمته قيمت عمارة )

انما هي في دول شهرين مركاز المديحه
صفوة رجال الحجر في ايمانهم ختم الاماره

قبل حكم اخوان نوره حيهم نعم الشريحه
الولا والسمع والطاعة لشهرين السطارة

كاسرين الترك يوم ان العرب ترقب مطيحه
بالخيول الدهم غاره ف البكر من بعد غاره

2
يوم جو الاتراك تطمع في جبل منعا تزيحه
صاح ابن دهمان في جيشه و لبو ع الاشارة

انتهض جيشه كما شيهان صيداته جريحة
تهوي بسيفن من عظام الرقاب الى المراره

وقعت السيف الحدب خلت جماجمهم طريحة
هذا وقع السيف الاحدب لا تهاوى من جفاره

وعجة البارود مثل المزن الاسود في لقيحه
حجبت شذرة شعاع الشمس بالجو احتكاره

واصبحو الاتراك في حيرة بنجواتن وصحيه
ونهمل وبل الرصاص تقول نون في سباره

1
وجرت اذيال الهزايم ونكشف وجه الفضيحة
في نهارن يعتزي الرجال في ربعه و جاره

واينحن شهر ابن نصرا كفنا ماهي شحيحه
للخوي والجار والضيفان مانرضى انقهاره

والثلاث البيض لبني شهر مغنمها صحيحه
يوم مناع انتهض عن صاحبه ياخذ ب ثاره

من خميس مشيط لروشن مراجعها صريحه
لنماص ترفرف الراية لنا فخر وجدارة

يا دول شهرين حزتوا الاوله يوم النطيحة
هذا طبع الغمر فيكم كاسبنها من غماره

2
ومن طبرجل لا حقل للخفجي لا واد الفطيحة
كلنا جند الملك سلمان سلمان الظفارة

تحت راية بو فهد نردع معنين القبيحة
و نردع اصحاب التطرف قبل ما يعم انتشاره

وولي عهده محمد راعي الذهن الرجيحة
قايد الروية وعراب التطور ب اقتادره

والصلاة على محمد صاحب النفس السميحة
مرسله مجري السحايب للبشر خير البشاره




قروب صولا ميديا في الواتس للانضمام
اضغط على الرابط الموضح امامك .. وياهلا بكم ..
https://chat.whatsapp.com/FczsnS1rcgR...