PYNKUT U POPE FRANCIS KA JINGLEIT SHA INDONESIA, U PYNPAW IA KA JINGSNGEWNGUH

PYNKUT U POPE FRANCIS KA JINGLEIT SHA INDONESIA, U PYNPAW IA KA JINGSNGEWNGUH
PYNKUT U POPE FRANCIS KA JINGLEIT SHA INDONESIA, U PYNPAW IA KA JINGSNGEWNGUH

U Pope Francis u la pynkut ia ka jingwan jngoh jong u sha Indonesia ha ka sngi palei, 6 tarik Nailur 2024. Na Jakarta, une u nongialam jong ka niam Katholik un bteng ia ka jingleit jong u sha Port Moresby, Papua New Guinea.
Ha ka jingkren khublei ha Soekarno-Hatta International Airport, u Pope u la pynpaw ia ka jingsngewnguh ia ka Indonesia namar ka jingpdiang sngewbha ia u. U la ai khublei ruh ia ki bor synshar ka Ri kiba la iarap ha kane ka jingleit jngoh jong u.
U Pope u la pynbna ia ka jingleit ban dang wan jong u sha Papua New Guinea, Timor Leste, bad sha Singapore. U la kdew ba ka jingleit jong u kan kynthup ïa ka jingïaid lyngba ka suiñbneng jong ka Indonesia.
Katba u dang mih na Garuda Indonesia, u la pynpaw ïa ki jingkynmaw ba sngewtynnad jong u shaphang ka ri Indonesia bad u la tyrwa ïa ki jingkyrkhu kyrdoh ïa ki paidbah nong Indonesia. “Nga pan ia ki jingkyrkhu ba bun na u Blei na ka bynta ka ri jong phi,” u la ong.
La khmih lynti ba un poi sha Papua New Guinea kumba 6:50 p.m. ka por jong katei ka ri ha Papua New Guinea.
Ban pynthikna ba u Pope un mih suk, ki Pulit ka Jakarta Metro ki la buh 1,165 ngut ki briew ban ai jingpahara. “Baroh ki don 672 ngut ki ophisar kiba don ha ka kyrdan VIP ban synran ia ka jingleit noh u Pope na Terminal 3 jong ka Soekarno-Hatta International Airport, katba 493 ngut ki briew la buh ban pahara ia ka lynti iaid na ka Vatican Embassy ka ri Indonesia sha ka kad liengsuin”, la ong u Commissioner ka ri u bah Ade Ary Syam Indradi.
Utei u commissioner u la ong ruh ba don haduh 9000 ngut ki shipai kiba peit ba khmieh ia kine ki sngi ka jingdon jong u Pope ha ri Indonesia.
Peit ia ki program ba bun bah jong ka Don Bosco Media Network TV
1. Local Cable LCN Channel 279
2. YouTube Channel
3. OTT @ dbmnTv
4. Ha ka website: donboscoshillong.org

#Khuborjylla #khasinews #khuborkhasi #NewsFromMeghalaya​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #donboscomedianetwork #KSU #NEHU #Shillong #dbmnTv #Khubor #Shillong #donbosco #Samla #Youth

Follow us on:
Facebook: https://www.facebook.com/profile.php?...
Instagram:   / db_media_network_shillong