Скачать или смотреть శ్రీ ఆదిశంకరాచార్య విరచితశ్రీ రామ భుజంగ ప్రయాత స్తోత్రం

@byshree984
#mypassionbyshree


శ్రీ ఆదిశంకరాచార్య విరచిత

శ్రీ రామ భుజంగ ప్రయాత స్తోత్రం

🌹🌷🌹🌷🌹🌷🌹🌷🌹


విశుద్ధం పరం సచ్చిదానందరూపం గుణాధారమాధారహీనం వరేణ్యమ్ |
మహాన్తి ఎం విభాన్తం గుహస్తం గుణాన్తం సుఖాన్తం స్వయం ధామ రామం ప్రపద్యే || ౧

శివం నిత్యమేకం విభుం తారకాఖ్యం సుఖాకారమాకారశూన్యం సుమాన్యమ్ | మహేశం కలేశం సురేశం పరేశం నరేశం నిరీశం మహీశం ప్రపద్యే || ౨ ||

యదావర్ణయత్కర్జమూలే న్తకాలే
శివో రామ రామేతి రామేతి కాశ్యామ్ |
తదేకం పరం తారకబ్రహ్మరూపం
భజే హం భజేహం భజేహం
భజే హమ్ || ౩ ||

మహారత్నపీఠే శుభే కల్పమూలే
సుఖాసీనమాదిత్యకోటిప్రకాశమ్ |
సదా జానకీలక్ష్మణోపేతమేకం సదా రామచంద్రం భజే హం భజే హమ్ ||౪ ||

క్వణద్రత్నమంజీరపాదారవిందం లసన్మేఖలాచారుపీతాంబరాఢ్యమ్ | మహారత్నహారోల్లసత్కౌస్తుభాంగం నదచ్చంచరీమంజరీలోలమాలమ్ || ౫ ||

లసచ్చంద్రికాస్మేరశోణాధరాభం
సముద్యత్పతంగేందుకోటిప్రకాశమ్ |
నమద్రృహ్మరుద్రాదికోటీరరత్న
స్ఫురత్కాన్తినీరాజనారాధితాంఘ్రమ్ ||

పురఃప్రాంజలీనాంజనేయాదిభక్తాన్ స్వచిన్ముద్రయా భద్రయా బోధయన్తమ్ |
భజే హం భజే హం సదా రామచంద్రం త్వదన్యం న మన్యే న మన్యే న మన్యే || ౭ ||

యదా మత్సమీపం కృతాన్తః సమేత్య ప్రచండప్రకోపైర్భటైర్భీషయేన్మామ్ |
తదావిష్కరోషి త్వదీయం స్వరూపం సదాపత్ప్రణాశం సకోదండబాణమ్ ॥ ౮॥

నిజే మానసే మందిరే సన్నిధేహి ప్రసీద ప్రసీద ప్రభో రామచంద్ర | ససౌమిత్రిణా కైకయీనందనేన స్వశక్త్యానుభక్త్యా చ సంసేవ్యమాన || ౯ ||

స్వభక్తాగ్రగణ్యః కపీశైర్మహీశై
-రనీకైరనేకైశ్చ రామ ప్రసీద | నమస్తే నమోస్త్వీశ రామ ప్రసీద ప్రశాధి ప్రశాధి ప్రకాశం ప్రభో మామ్ || ౧౦

త్వమేవాసి దైవం పరం మే యదేకం
సుచైతన్యమేతత్త్వదన్యం న మన్యే |
యతో భూదమేయం వియద్వాయుతేజో జలోర్వ్యాదికార్యం చరం చాచరం చ || ౧౦ ||

నమః సచ్చిదానందరూపాయ తస్మై
నమో దేవదేవాయ రామాయ తుభ్యమ్ |
నమో జానకీజీవితేశాయ తుభ్యం
నమః పుండరీకాయతాక్షాయ తుభ్యమ్ || ౧౨


నమో భక్తియుక్తానురక్తాయ తుభ్యం నమః పుణ్యపుంజైకలభ్యాయ తుభ్యమ్ |
నమో వేదవేద్యాయ చాద్యాయ పుంసే నమః సుందరాయేందిరావల్లభాయ || ౧౩ ||


నమో విశ్వకర్తే నమో విశ్వహర్తే
నమో విశ్వభోక్తే నమో విశ్వమాత్రే |
నమో విశ్వనేత్రే నమో విశ్వజేత్రే నమో విశ్వపిత్రే నమో విశ్వమాత్రే || ౧౪ ||

నమస్తే నమస్తే సమస్తప్రపంచ
-ప్రభోగప్రయోగ ప్రమాణప్రవీణ |
మదీయం మనస్త్వత్పదద్వంద్వసేవాం
విధాతుం ప్రవృత్తం సుచైతన్యసిద్ధ్యే || ౧౫

శిలాపి త్వదంఘిక్షమాసంగిరేణు ప్రసాదాద్ధి చైతన్యమాధత్త రామ | నరస్త్వత్పదద్వంద్వసేవావిధానా -త్సుచైతన్యమేతీతి కిం చిత్రమత్ర || ౧౬ ||

పవిత్రం చరిత్రం విచిత్రం త్వదీయం నరా యే స్మరన్త్యన్వహం రామచంద్ర | భవన్తం భవాన్తం భరన్తం
భజన్తో లభర్తే కృతాన్తం న పశ్యన్త్యతోనే || ౧౭ ||

స పుణ్యః స గణ్యః శరణ్యో మమాయం నరో వేద యో దేవచూడామణిం త్వామ్ | సదాకారమేకం చిదానందరూపం మనోవాగగమ్యం పరం ధామ రామ || ౧౮ ||

ప్రచండప్రతాపప్రభావాభిభూత
-ప్రభూతారివీర ప్రభో రామచంద్ర |
బలం తే కథం వర్ణ్యతేతీవ బాల్యే యతో ఖండి చండీశకోదండదండమ్ || ౧౯

దశగ్రీవముగ్రం సపుత్రం సమిత్రం సరిద్దుర్గమధ్యస్థరక్షోగణేశమ్ | భవన్తం వినా రామ వీరో నరో వా సురో వామరో వా జయేత్కస్త్రిలోక్యామ్ || ౨౦ ||

సదా రామ రామేతి రామామృతం తే సదారామమానందనిష్యందకందమ్ |
పిబన్తం నమన్తం సుదన్తం హసన్తం
హనూమన్తమన్తర్భజే తం నితాన్తమ్ || ౨౧ ||

సదా రామ రామేతి రామామృతం తే సదారామమానందనిష్యందకందమ్ |
పిబన్నన్వహం నన్వహం నైవ మృత్యో -ర్బిభేమి ప్రసాదాదసాదాత్తవైవ || ౨౨ ||

అసీతాసమేతైరకోదండభూషై
-రసౌమిత్రివంద్యెరచండప్రతాపైః | అలంకేశకాలైరసుగ్రీవమిత్రై -రరామాభిధేయైరలం దైవతైర్నః || ౨౩ ||

అవీరాసన స్థైరచిన్ముద్రికాధ్యై
-రభక్తాంజనేయాదితత్త్వప్రకాశైః
అమందారమూలైరమందారమాలై
-రరామాభిధేయైరలం దైవతైర్నః || ౨౪


అసింధుప్రకోపైరవంద్యప్రతాపై
-రబంధుప్రయాణైరమందస్మిత్యాః |
అదండప్రవాసైరఖండప్రబోధై -రరామాభిధేయైరలం దైవతైరః || ౨౫ ||

హరే రామ సీతాపతే రావణారే
ఖరారే మురారే సురారే పఠేతి |
లపన్తం నయనం సదాకాలమేవం
సమాలోకయాలోకయాశేషబంధో || ౨౬ ||


లపన్తం నయన్తం సదాకాలమేవం
సమాలోకయాలోకయాశేషబంధో ||

నమస్తే సుమిత్రాసుపుత్రాభివంద్య
నమస్తే సదా కైకయీనందనేడ్య |
నమస్తే సదా వానరాధీశవంద్య
నమస్తే నమస్తే సదా రామచంద్ర || ౨౭ ||

ప్రసీద ప్రసీద ప్రచండప్రతాప
ప్రసీద ప్రసీద ప్రచండారికాల |
ప్రసీద ప్రసీద ప్రపన్నానుకంపిన్ ప్రసీద ప్రసీద ప్రభో రామచంద్ర || ౨౮ ||

భుజంగప్రయాతం పరం వేదసారం ముదా రామచంద్రస్య భక్త్యా చ నిత్యమ్ | పఠన్సన్తతం చిన్తయన్స్వాన్తరంగే స ఏవ స్వయం రామచంద్రః స ధన్యః || ౨౯

ఇతి శ్రీమచ్ఛంకరాచార్య కృతం శ్రీ రామ భుజంగప్రయాత స్తోత్రమ్ |

🌹🌷🌹🌷🌹🌷🌹🌷🌹