شيلة يامن الخايف ويسلى في ذرانا

الشكالة والشجاعة والحمية
والكفوف المرهية والحاتمية
والوفاء فينا من اسلاف قديمة
ما شريناها ولا جتنا عطية
والسلوم المعجزة حزنا عليها
ف العصور التالية والاولية
قسم صبيان العياضي ب اليماني
ما تغير سلمنا والنار حية
محزم الصاحب وريف للرفاقة
فزعة المضيوم لا قفى خوية
ذي عوايد صبينا والفضل لله
فارقه ربي على كل البرية
والكبير الى احتمى الموقف تشوفه
كالصقور النادرات الصيرمية
جمعنا يرهب سلاطين وحكايم
فاللقى نارد على حوض المنية
من زمان كليب الى مالا نهاية
تغلبٍ تزعم مقاديم السرية
بطشنا يردم صناديد وصتايم
نبحص جموع العدا في كل هية
ربعي الي عزوا جموع وبدايد
ما يغط الحق من يخشى الخطية
يطلق لسان المدايح فعل ربعي
كل منهم للعلى نفسه جرية
يامن الخايف ويسلى في ذرانا
دونه الحقبان في صبح وعشية
ترثة عياض الفخر يوم النشايب
تدحم بروس من الطنخة قوية
...
والدواسر قمة المجد وسنامه
للخوي عزوه وللعدوان كية
اجزل فعول العرب فينا ومنا
مجدنا بين القبايل شاع ضية
قالها راشد وداعية المفاخر
فالبيوت الي كمى رجد بردية