Скачать или смотреть លោកឧត្តមសេនីយ៍ទោ ហេង សុផល ផ្ដល់រង្វាន់លើកទឹកចិត្តសិស្សនិទ្ទេស A នៅសង្កាត់កំពង់ក្របៅ, 653-021025

លោកឧត្តមសេនីយ៍ទោ ហេង សុផល ផ្ដល់រង្វាន់លើកទឹកចិត្តសិស្សនិទ្ទេស A នៅសង្កាត់កំពង់ក្របៅ

(កំពង់ធំ)៖ នៅរសៀលថ្ងៃទី២ ខែ តុលា ឆ្នាំ២០២៥ លោកឧត្តមសេនីយ៍ទោ ហេង សុផល ស្នងការនគរបាលខេត្ដ បានឆ្លៀតឱកាសជួបសំណេះសំណាលសិស្សដែលទើបប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំ២០២៤-២០២៥ គឺប្អូនស្រី ហ៊ុយ មួយហ្គេច អាយុ១៧ ឆ្នាំ រស់នៅក្នុងភូមិ កំពង់ក្របៅ សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ ។

ថ្លែងក្នុងឱកាសនោះ លោកឧត្តមសេនីយ៍ទោ ហេង សុផល ស្នងការនគរបាលខេត្ដ បានចូលរួមអបអរសាទរ និងកោតសរសើរ ចំពោះប្អូនស្រី ហ៊ុយ មួយហ្គេច ដែលបានខិតខំប្រឹងប្រែងប្រកបដោយស្មារតី អំណត់អត់ធ្មត់ តស៊ូព្យាយាម ជម្នះគ្រប់ឧបសគ្គ ក្នុងការសិក្សា នាពេលកន្លងមក រហូតទទួលបានលទ្ធផលល្អប្រសើរបំផុត គឺនិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៥នេះ ។

លោកឧត្តមសេនីយ៍ទោ ស្នងការ ក៏បានថ្លែងថា នៅថ្ងៃខាងមុខនេះ ប្អូននឹងបន្តការសិក្សា នៅឯសកលវិទ្យាល័យ តាមឯកទេសណាមួយ ហើយសូមប្អូនស្រីខិតខំប្រឹងប្រែងសិក្សា ដើម្បីក្លាយទៅជាធនធានមនុស្ស និងជាទំពាំងស្នងឬស្សី បន្តវេន ដើម្បីចូលរួមចំណែក កសាងអភិវឌ្ឍន៍ ប្រទេសជាតិ ឱ្យកាន់តែរីកចម្រើនបន្ថែមទៀត ។

ជាកិច្ចចុងក្រោយ លោកស្នងការ ក៏បានផ្តល់រង្វាន់លើកទឹកចិត្ត ជាថវិកាមួយចំនួន ជូនប្អូនស្រី ដើម្បីចូលរួមក្នុងការដោះស្រាយចំណាយបន្តការសិក្សា។

លោក ហ៊ុយ អ៊ាន់ ត្រូវជាឳពុកក្មួយស្រី បានថ្លែងអំណរគុណយ៉ាងជ្រាលជ្រៅបំផុត ចំពោះលោកឧត្តមសេនីយ៍ទោ ហេង សុផល ស្នងការនគរបាលខេត្ត ដែលបាន ចំណាយពេលវេលា ដ៏មានតម្លៃ ចុះសាកសួរសុខទុក្ខ ថែមទាំងឧបត្ថម្ភ សម្ភារថវិកា ដល់គ្រួសារលោក និងសូមជូនពរ លោកស្នងការ លោក លោកស្រីស្នងការរង និងកងកម្លាំងនគរបាលទាំងអស់ សូមជួបប្រទះ តែពុទ្ធពរជ័យទាំងបួនប្រការគឺ អាយុ វណ្ណៈ សុខៈ ពលៈ សម្រេចបានជោគជ័យគ្រប់ភារកិច្ច ដែលថ្នាក់ដឹកនាំប្រគល់ជូន៕ អត្ថបទដោយស្នងការនគរបាលខេត្ដកំពង់ធំ-ពិនិត្យដោយអ៊ុមញឹប។