Скачать или смотреть အပ်မှိုဝက်သားလိပ်ချက်နည်း

အပ်မှိုဝက်သားလိပ်ချက်နည်း

ကျွန်တော် ဒီနေ့မှာ အပ်မှိုဝက်သားလိပ်ချက်မှာဖြစ်ပါတယ်။ အစပ်ချက်မှာမဟုတ်ဘဲ ကလေးငယ်တွေပါစားလို့ရတဲ့ ချင်းရနံ့မွှေးမွှေးလေးနဲ့ ချိုငန်လေး ချက်မှာဖြစ်ပါတယ်။
ချက်နည်း ဗီဒီယိုလေးကို မန့်မှာ တင်ပေးထားပါတယ်ခင်ဗျာ။

ပထမဆုံး ဆော့စ်ကို စပြီး ဖျော်ထားပါမယ်။
ချင်း လက်တဆစ်လောက်ကို အခွံနွှာပြီး ခြစ်နဲ့ ခြစ်ထားပြီး အရည်ညှစ်ထားပါ။
ပန်ကန်လုံးတလုံး ထဲမှာ
သကြား - တဝက် (ထမင်းစားဇွန်း)
ကော်မှုန့် - တဝက် (ထမင်းစားဇွန်း)
ဟင်းချက်အရက် - တဝက် (ထမင်းစားဇွန်း) (မရှိရင် မထည့်လည်းရပါတယ်)
ပဲငံပြာရည်အကြည် - ၁ ဇွန်းခွဲ (ထမင်းစားဇွန်း)
ညှစ်ထားတဲ့ ချင်းရည်ထည့်ပါ။
ရေအေး အနည်းငယ် ထည့်ပါ။
ခရုဆီ အနည်းငယ်ထည့်ပြီး မွှေပေးလိုက်ပြီဆိုရင် အပ်မှိုဝက်သားလိပ်ချက်ဖို့အတွက် ဆော့စ်ရပြီဖြစ်ပါတယ်။
အပ်မှိုကို အမြစ်ပိုင်းကို လှီးထုတ်ပေးပါ။
ပြီးရင်ရေဆေးပေးပါ။ (မှိုတွေက ရေဆေးပြီး ချက်လေ့မရှိပေမယ့် အပ်မှိုကိုတော့ ရေဆေးပြီးချက်ပါတယ်)
ဝက်သားအတွက် ဟော့ပေါ့ထဲထည့်စားတဲ့ သုံးထပ်သားပြားကို သုံးပါတယ်။ ဝက်သုံးထပ်သားကို ရေခဲသေတ္တာထဲက ထုတ်ထားပြီး အနည်းငယ်လေးမာတဲ့အချိန် အပ်မှိုထည့်ပြီးလိပ်ပေးပါ။
လိပ်ထားတဲ့ အပ်မှိုလိပ်တွေကို ဒယ်အိုးထဲမှာ ဆီမထည့်ဘဲ လှိမ့်ပေးပါ။ ဝက်သားထဲက ထွက်လာတဲ့ ဆီနဲ့ပဲ ‌ဝက်သားလိပ် အ‌ရောင်ပြောင်းတဲ့အထိ ကြော်ပေးပါ။ ဆီကြောက်တဲ့ သူတွေအနေနဲ့တော့ ဝက်သားထဲက ထွက်လာတဲ့ ဆီတွေကို ဖယ်ထားပါ။
ပြီးမှ ဖျော်ထားတဲ့ ဆော့စ်တွေကိုလောင်းထည့်ပေးပါ။ ဆော့စ်တွေပျစ်သွားပြီဆိုရင် ချင်းရနံ့မွှေးမွှေးလေးနဲ့ ချိုငန်လေးစားကောင်းတဲ့ အပ်မှိုဝက်သားလိပ်လေးကို သုံးဆောင်နိုင်ပြီဖြစ်ပါတယ်ခင်ဗျာ။


Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။