( kONGPO GROUP SONG ) 2024 / ༼ ཀོང་པོའི་མཉམ་གཞས། ༽ ༢༠༢༤

༼ བོད་ཀྱི་ཆོས་འཁོར་གླིང་། ༽

ཀོང་པོའི་མཉམ་གཞས་བོད་ཀྱི་ཆོས་འཁོར་གླིང་ཞེས་པའི་གཞས་འདི་ནི་ཀོང་པོ་བ་རྣམས་ཀྱིས་དུས་ཆེན་ སོགས་ཀྱི་སྐབས་སུ་གཏོང་སྲོལ་ཡོད་པ་དང་། ཀོང་པོ་ནི་བོད་ཀྱི་ཤར་ཕྱོགས་སུ་གནས་ཤིང༌། གནམ་གཤིས་དྲོ་གྲང་སྙོམས་པ་དང་ཤིང་སྣ་འཛོམས་པ་སོགས་ལྟ་བས་མི་ངོམས་པའི་གནས་མཆོག་ངོ་མཚར་ཅན་ཞིག་ཡིན། གཞས་འདིའི་ནང་བོད་ཀྱི་དཀར་ཞིང་མཛེས་ལ་རྩེ་མོ་གནམ་ལ་ཟུག་འདྲའི་གངས་རི་དཀར་པོའི་མཛེས་སྡུག་ལ་བསྟོད་པ་ཕུལ་བ་དང༌། དེ་བཞིན་བོད་གངས་ཅན་ལྗོངས་ཀྱི་གནས་མཆོག་ལྷ་ས་ནི་བོད་ཀྱི་ཆབ་དཔལ་རིག་གསུམ་གྱི་ལྟེ་གནས་གལ་ཆེ་ཞིག་ཡིན་པ་དང༌། དེ་གནས་པའི་བོད་མི་རྣམས་ཀྱང་ལས་ལ་བརྩོན་ཞིང་དཔའ་ངར་ལྡན་པ་དང༌། དཀར་པོ་ཆོས་ལ་དད་པ། རྒན་པར་གུས་བཀུར་དང༌། དམའ་བར་བྱམས་བརྩེ་སོགས་ཀྱི་ཡ་རབས་སྤྱོད་བཟང་དག་ལ་སེམས་གཏིང་ནས་བསྟོད་པ་ཕུལ་ཡོད། གཟིགས་མོ་བ་ལྷན་རྒྱས་ཐུགས་སྤྲོ་སྣང་དང་བཅས་དགྱེས་གཟིགས་མཛོད།

འཁྲབ་སྟོན་པ། : དབུ་འོག་དང་པོའི་སློབ་མ་དག
( མང་གཙོའི་དུས་དྲན་སྐབས་སུ་མཉམ་གཞས་ཡག་མོ་ཕུལ་ལོ། ༢༠༢༤/༩/༢ ཉིན། )