قرشي الحجير - هدام الزمان ﻭﺭﺍﻫﺎ ﻛﻴﻔﻦ ﺗﺴﺘﻐﻞ ﺍﻟﻨﻴﻞ

اغاني طمبور
قرشي الحجير
النخلة
كلمات .. محمد احمد الحبيب
هدام الزمان ﻭﺭﺍﻫﺎ ﻛﻴﻔﻦ ﺗﺴﺘﻐﻞ ﺍﻟﻨﻴﻞ
ﺑﻌﺪﻣﺎ ﺇﺳﺘﻮﺕ ﻭﺇﺗﻔﺪﻋﺖ ﻟﻠﺸﻴﻞ
ﻏﺎﺻﺖ ﻓﻰ ﻣﻴﺎﻫﻮ ﺍﻟﺼﺎﻓﻰ ﻣﺎ ﺯﻯ ﺍﻟﺒﺠﻴﺒﻪ ﺍﻟﺴﻴﻞ
ﻳﺎ ﻧﺨﻠﺘﻨﺎ ﺭﺣﻠﺔ ﻋﺎﻓﻰ ﻭﺩﻋﻰ ﻣﻦ ﺩﻳﺎﺭﻧﺎ ﻧﺨﻴﻞ
ﺟﻮﺯ ﻣﻦ ﻗﻤﺮﻯ ﺃﻣﻨﺎ ﺯﺍﺗﻮ ﻃﻮَّﻝ ﺑﻴﻦ ﺟﺮﻳﺪﺍ ﻧﺰﻳﻞ
ﻃﺎﺣﺖ ﺑﻰ ﻋﺸﻴﺶ ﺃﻭﻻﺩﻭ ﻭﺃﻃﻌﻤﺖ ﺍﻟﺴﻤﻚ ﻓﻰ ﺍﻟﻨﻴﻞ
ﻣﺎﻟﺖ ﻭﺇﻧﺘﻜﺖ ﻗﻨﻌﺎﻧﻰ ﻣﻦ ﺑﻠﺪﺍً ﻭﻃﺎﻫﺎ ﺍﻟﻔﻴﻞ
ﻓﻰ ﺭﺣﻠﺔ ﻋﻼﺝ ﻣﺠﺎﻧﻰ لي ﺃﺭﺽ ﺍﻟﻜﻨﺎﻧﻪ ﻋﺪﻳﻞ
ﺑﺠﺒﻮﺝ ﻣﻦ ﺑﺪﺍﻳﺔ ﺍﻟﺮﺣﻠﻪ ﺗﺘﺒﻜﻰ ﻭﺩﻣﻮﻋﺎ ﺗﺴﻴﻞ
ﺟﺰﻳﺮﺓ ﺃﻡ ﺳﻴﻮﻑ ﺯﻯ ﻧﺤﻠﻪ ﺧﺎﺷﻰ ﻋﻠﻰ ﺩﻳﺎﺭﺍ ﺩﺧﻴﻞ
ﺳﺎﺭﺕ ﻓﻰ ﻃﺮﻳﻘﺎ ﺑﺮﺍﻫﺎ ﻻ ﺗﺄﺷﻴﺮﻩ ﻻ ﺑﻬﺪﻳﻞ
ﻻ ﺣﺮ ﺍﻟﺴﻔﺎﺭﻩ ﺻﻼﻫﺎ ﻻ ﺻﻮﺕ ﺍﻟﻌﺴﺲ ﻭﺍﻟﺨﻴﻞ
ﺍﻟﺸﺎﻃﺮﺍﺏ ﻣﻐﺎﺭﺏ ﺟﺎﺗﺎ ﻣﺮَّﺕ ﻓﻰ ﻃﺮﻳﻘﺎ ﻃﻮﻳﻞ
ﻣﺪﻳﺴﻴﺴﻪ ﻭﺟﻤﻴﻊ ﺟﺎﺭﺍﺗﺎ ﻫﺪﺍﻫﺎ ﺍﻟﺤﺰﻥ ﺑﺎﻟﺤﻴﻞ
ﻇﻠﺖ ﻃﻤﺒﻨﺎﺭﺗﻰ ﺗﻨﺎﺩﻯ ﻣﺎ ﻋﺎﺭﻓﺎﻫﺎ ﺑﻰ ﻛﻢ ﻣﻴﻞ
ﻓﺎﺗﺖ ﺗﻨﻘﺴﻰ ﻭﺑﻰ ﻏﺎﺩﻯ ﻣﺎﺭﻯ ﻣﺮﻭﺭ ﻛﺮﺍﻡ ﺑﺎﻟﻠﻴﻞ
ﺯﺍﺭﺕ ﻧﺎﻭﺍ ﺑﻌﺪ ﺍﻟﻬﺠﻌﻪ ﺳﻬﺮﺍﻧﻪ ﻭﻣﻨﺎﻣﺎ ﻗﻠﻴﻞ
ﻟﻜﻦ ﺿﺎﻉ ﻃﺮﻳﻖ ﺍﻟﺮﺟﻌﻪ ﻭﻳﻦ ﺗﻠﻘﺎﻟﻮ ﺗﺎﻧﻰ ﺳﺒﻴﻞ
ﻛﺎﻥ ﻟﻰ ﺻﺎﻯ ﻭﻛﺎﻥ ﻟﻰ ﻋﺒﺮﻯ ﻋﺎﺭﻓﺎﺕ ﺍﻟﻤﻘﺎﻟﺐ ﺩﻳﻞ
ﻗﺎﻟﺖ ﻟﻴﻬﺎ ﻣﻬﻤﺎ ﺗﺠﺮﻯ ﻣﺎ ﺣﺘﻠﻘﻰ ﻟﻴﻬﻮ ﺑﺪﻳﻞ
ﻳﺒﻜﻰ ﻋﻠﻰ ﻓﺮﺍﻗﺎ ﻧﺨﻴﻠﻨﺎ ﻣﻦ ﺍﻟﻜُﺮﺷﻪ ﻟﻠﻘﻨﺪﻳﻞ
ﻭﺩ ﻟﻘﺎﻯ ﻭﺣﺘﻰ ﻣﺪﻳﻨَّﺎ ﻭﺍﻟﺒﺮﻛﺎﻭﻯ ﺻﺒﺮﻭ ﺟﻤﻴﻞ
ﻣﺎ ﺳﻤﻌﺖ ﻧﺼﻴﺤﺔ ﺃُﻣﺎﺗﺎ ﺇﺗﻤﺎﺩﺕ ﻋﻨﺎﺩﺍ ﻫﺒﻴﻞ
ﺳﺎﺭﻋﺖ ﻭ ﺃﺳﺮﻋﺖ ﺧﻄﻮﺍﺗﺎ ﺧﺸﺖ ﻓﻰ ﺍﻟﺒﺤﻴﺮﻩ ﻋﺪﻳﻞ