شيلة مهداه للشيخ عايض بن رفعان القحطاني - كلمات الشاعر -لفى بن دحيم الشطيطي-جديد خالد ال بريك

#اكسبلور #ترند #شيلة #شيلات
  / shababalmutairi  
شيلة مهداه للشيخ عايض بن رفعان القحطاني - كلمات الشاعر -لفى بن دحيم الشطيطي-جديد خالد ال بريك
على الكرامه شب نار الطيب من زند القصيد
للعز يايمناً ماتطفي فالمواقف نارها

يبقى الكلام الصح دايم صح والحكي الزهيد
يبور في سوقٍ تعرف بضاعته تجارها

اسمي على الساحه واهلها لاغريب ولاجديد
ادري بها واعرف مافيها واعرف اسرارها

خدمتها يوم انها عذراً تزين كل عيد
وصديت عنها عقب ماكثرو بها شعارها

عشرين عام وعشر واسوق النضا مع كل بيد
والهمني الله معرفت هلها وسبر اغوارها

اليا اقبلت قطفت من بستانها الطلع النضيد
وان دبرت ماني بشيل اذنوبها ووازارها

عرفت فيها من عرفته فالقريّب والبعيد
وحفظت مقدار الرجال اللي تْحفظ مقدارها

ياجعل ابن شايق وابن عواد والعالي رشيد
وفيصل وابن شلاح في جنة عدن وانهارها

من مات من روادها ياجعلها موتت شهيد
وشعارها الحيين ياجعل البقا في اعمارها

ومن عقب ماقامت تشيخ وراح ظل وطاح حيد
وقامت تزم البندق اللي مايخيب عيارها

طلعت منها فالرصيد اللي يعدونه رصيد
روس تذاع مع العرب واهل الفعول اخبارها

اخوي بن رفعان عايض ياعسى عمره مديد
شيخٍ تواردها المدايح جلها وابكارها

الله يزيده كل مازادو هل الطاله يزيد
حتى طلع يم النجوم اللي تشع انوارها

مايكسب الا النادر من الطيب والعلم الفريد
ومن الفعول النادرات اعزها وخيارها

المحزم اللي لابدا اللازم على ربعه جويد
قحطان فيه تلد لاجات العلوم انظارها

كم حل دعوى شايكه وافتك روس وفك قيد
لابارت عزوم الزحول وضيعت ف اشوارها

منومس اللي لارفيق ولا صحيب ولا عضيد
ومجمل اصحابه وطول فالمديح اشبارها

وان عودت لمزاين الابل فيه تاريخه مجيد
دون النخب ماينكخ الا اللي تطيش اسعارها

وان عودت يم الاصايل شيد من ودك تشيد
اهل الاصايل يعرفونه لادخل مضمارها

اعتز فيه وفي مواقيفه عسى عمره مديد
للعز يايمناً ماتطفي فالمواقف نارها