Скачать или смотреть Klan News - Universiteti Metropolitan zhvillon Start Up City 7

Zhvillohet nata finale e edicionit të 7-të të Start Up City, një event i organizuar nga Universiteti Metropolitan Tirana, i cili promovon inovacionin dhe shpirtin sipërmarrës te gjimnazistët dhe maturantët nga gjithë Shqipëria. 15 grupe finaliste prezantuan idetë e tyre përpara jurisë dhe publikut, duke u vlerësuar me çmime që nxisin hapat e parë drejt një sipërmarrjeje të suksesshme.

Mes të ftuarve të nderit ishin edhe Ministrja e Shtetit për Sipërmarrjen dhe Klimën e Biznesit, Delina Ibrahimaj, si dhe Presidenti i Universitetit Metropolitan Tirana, Arjan Çukaj, të cilët folën për rolin e universiteteve në zhvillimin e ideve inovative.

“Dua ta falenderoj Universitetin Metropolitan për kontributin që jep në nxitjen e të rinjve dhe të rejave, në hyrjen në botën e sipërmarrjes, në botën e Start Up-eve”, tha Ibrahimaj.

“Është një event që ka nisur shtatë vite më parë. Sot jemi krenarë për atë çfarë kemi bërë, sepse në atë kohë kur kemi nisur gjërat kanë qenë më abstrakte, akoma nuk kuptohej koncepti i qartë çfarë është Start Up-i. Ndaj ne përpiqemi, që ky event, përveç rezultateve konkrete, të krijojë edhe një model të ri sesi mund të ndërtohet një biznes”, u shpreh Çukaj.

Universiteti Metropolitan Tirana ofron 25 programe studimi të ciklit Bachelor dhe Master në fushat si Inxhinieri, Arkitekturë, Ekonomi, si dhe Shkenca Kompjuterike. Ky është i vetmi universitet shqiptar që ka krijuar shkollën e doktoraturës në Inteligjencë Artificiale.

Klan News

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan