دڵ نەخۆشی دەردی هیجران جانی جانانم وەرە ....

دڵ نەخۆشی دەردی هیجران جانی جانانم وەرە
لەت لەتە جـەرگ و هــەناووم مـاهی تابانم وەرە

سەد کەڕەت گەر دەرکراوم لازمە ھەر بێمەوە
تا دەسووتێ ھەر دەبـێ پەروانـە بێتە بـەر چرا

ئەی ڕەفیقانی تەریقەت دەردی ئیشقم چارەکەن
یان بەجارێ بمکوژن جەرگم بە خەنجەر پارەکەن

سەد حەکیم هات و عیلاجی ئەم برینەی قەت نەکرد
تۆ عیلاجی زەخمەکەم کە زوو بە لوقمانم وەرە

مودەتێکە دوور لە تۆم ، موشتاقی دیدارم وەرە
ئەی حەکیمی زامی سەختی قەلبی بیمارم وەرە

هەر کەسێ هات و وتی من عاشقم بڕوا مەکە
تا لەسەر گۆنای نیشانەی زەخمی مارانگاز نەبێ

دوور لە تۆ بم ، هەمنشینی حەسرەت و جەور و جەفام
ئەی فەرەح بەخشی گیان ، بۆ دەفعی ئازارم وەرە‌
ــ
شیعر:وەفایی
خوێندنەوەی:ک.هەڵگورد - ک.ئیسماعیل مەریوانی - م.سەرکۆ
تەکیەی شێخ حسێن شێخ کاکە حەمەی کەسنەزان-پێنجوێن