Скачать или смотреть Warnai Na Inamy | Mir Ahmed Baloch | Mureed Baloch

#mirahmedbaloch #balochisong #mirahmedbaloch #balochisong

Warnai Na Inamy

Singer: Mir Ahmed Baloch
Poet: Mureed Baloch
_____________

پوغ آک تخوکو اُستاتیا لگنگو چراغاک ارمان ئٹ
کوکار کریسہ و ٹپ آک یاقوت مشی آ مرجان ئٹ
درداک صدی تا پتک انگا جارات خننگو درمان ئٹ
مہراتا امیل آکو بڈ ا اِستاک دڑانو میدان ئٹ
دک آک ترند آ شاغنگو ہمت نزورئنگا جان ئٹ
پاننگے تلار ئنگا ماروو گنجل نا نظم تے دیوان ئٹ
ورنائی نا انامے جنّے ورناک خمارو بولان ئٹ



برفیچی آ ننتا لیلو ٹی آھڑ نا مرے یا دے ٹاک آ
کلان جتا رنگ ارفنگو خواری تا دروشم ٹی تاک آ
کننگو خڑینکاتے چٹکار ھُچ پان یتیم آتا خاک آ
لاش آتے سڑوکا گرنگو دننگو امیداتا ڈاک آ
اڑسنگو تہو تا رخ تے او سینہ تو قرانی آ پاک آ
حیرانے ئسے دنیا ئس دا ٹپی وزدہ تا ادراک آ
کننگو گنوکاک انتان انت دھرتی نا دا عشقٹ تریاک آ


کاٹم تے تخیسہ و شک آ راستی نا خرینا بیعت ئٹ
پھل آک ترکنگو خل تیا چکل تا دتر تا برکت ئٹ
ٹیکی ٹی بٹنگو کرائی دوزخ نا وڑئنگا جنت ئٹ
تہہ آن ھشینگوک ھس ٹکر نوری و گروشکی صورت ئٹ
ہر گامے تخنگو مش لارآک ایمان و ھشاری حکمت ئٹ
ساہ ترسہ و تینا مسخت کن ساہ السہ و تینا سنگت ئٹ
چٹ کار ھشنگر پنر ام اف چھپی دا مشتا فطرت ئٹ

آجوئی نا زلف آتا سیمے کشنگو مراد آتو تینا
خلنگو غلامی نا زارے ندری نا او شادآتو تینا
جوڑنگو جہان ئس خلقت کے خوشی تا رماد آتو تینا
لے لاڈے لڈے لا پاننگو چہیانٹ پرادآتو تینا
کننگو وسم ویران آتےخوش ئنگا زبادآتو تینا
ماڑی تے تہاری نا پرغنگو پاد شپادآتو تینا
بشخنگو مریدآتے زندئس ساہ گیر آ او یادآتو تینا