Печат на едно време

Овој филм се сними во продукција на Повардарската епархија, а во него е претставена централната позиција во црковниот живот и поредок, односно животот на еден архиереј, кој во овој случај е претставен низ призмата на животот на Повардарскиот Митрополит Агатангел. Филмот содржи биографски осврт, со посебен акцент на дејноста на Митрополитот Агатангел во овие последни 16 години, откако тој повторно го возглави тронот на Повардарската епархија.

Филмот се снимаше неколку месеци како авторски проект на Никола Цилаков.

Сите овие години во служба на Црквата ми помогнаа вистински да го спознаам црковниот поредок, црковната хиерархија и организација, и вистински да ја почувствувам Божјата љубов која е во Црквата. Токму од овие причини, следејќи ја сите овие години архипастирската дејност на Митрополитот Агатангел, низ призмата на мојот фотоапарат, како и низ призмата на мојата работа и моите размислувања, дојдов до идеја да го реализирам овој проект, односно да направам биографски документарен филм за оваа плодна мисија на Митрополитот Агатангел, со посебен акцент на овој период од неговото повторно возглавување на тронот, односно катедрата на Повардарската епархија и со ова да оставам сведоштво во прво лице на идните генерации за она што се случувало во времето во кое Повардарската епархија доживеа една вистинска духовна ренесанса во секој поглед. Токму и затоа филмот е насловен „Печат на едно време“ – Никола Цилаков.

• Сценарио и нарација: Никола Цилаков;
• Режија: Елеонора Теова;
• камера и дрон оператива: Дарко Спасовски и Милорад Каначковиќ;
• монтажа: Дарко Спасовски;
• музика: Александар Најдов.

Во филмот учествуваа:
протоереј-ставрофор Јован Кумевски,
протоереј Ристе Јанушев,
протоереј Љупче Миланов,
протоереј Борислав Бобевски,
протоереј Русе Жекоски,
Никола Цилаков,
диригентка Веселинка Маџарова.

all rights reserved © Забрането е преземање и споделување на каква било содржина од филмот без дозвола на авторот.