Скачать или смотреть «Кызыкчылыктар кагылышы болбойт»: Ош шаарынын биринчи вице-мэри Мырзакматовдун жерлери боюнча

Мырзакматовдордун жерлери боюнча кызыкчылыктар кагылышы болбойт. Бул тууралуу Ош шаарынын биринчи вице-мэри Оморбек Торобаев журналисттердин суроолорун жооп берип жатып билдирди.

Журналисттер «ЖКнын мурдагы депутаты Искендер Гаипкуловдун иниси болосузбу?» деген суросуна Торобаев төмөндөгүчө жооп берди.

«Бул маалымат жалган эмес. Мен бир тууган агасынын уулу болом», - деди ал.

Андан ары журналисттер Мырзакматовдордун үй-бүлөсү менен Гаипкулов куда болорун, учурда Ош мэриясы Мелис Мырзакматовго тиешелүү делген жерлер боюнча соттошуп жатканын, «андыктан бирин вице-мэр бул маселеге киришпейби, кызыкчылыктар кагылышы болуп калбайбы?» деген суроог да жооп берди.

«Андай маселе көтөрүлбөйт. Жада калса бул тууганчылыкка кирбейт да. Ишенимдүү айта, кызыкчылктар кагылышы болбойт», - деди Торобаев.

Ош шаардык мэриясы Ош шаарынын экс-мэри Мелис Мырзакматов ээлеп алган делген жерлер боюнча сот иштери жүрүп жатканын билдирип келет.

Коомчулукта Мырзакматовдун инисинин баласы Жогорку Кеңештинин мурдагы депутаты, БШКнын мурдагы мүчөсү Искендер Гаипкуловдун кызына үйлөнгөнүн айтып келет.