Kowuleki Numbata (Official Music Video) | කොවුලෙකි නුඹට | Amila Nuwan Kumarathunge | Samanalee

කොවුලෙකි නුඹට

කොවුලෙකි නුඹට
මිහිරිම රස පද ගයනා
උලලේනා ද මම වෙමි
නුඹෙ දුක අහනා

හබලක් බිඳුණු ඔරුවට
රුවල ද වෙමිනා
හබල ද මමයි ඔරු කඳ
දියඹෙන් ගෙනෙනා

කොවුලෙකි නුඹට.....

නටු මත කටු දරා
එක තුරකම සිටිනා
දහමම මෙයයි
උලලේනගෙ දහ කියනා

කොවුලෙකි නුඹට....

පද රචනය - ආචාර් ය උපුල් ප්‍රියන්ත ගමගේ
තනු අයිතිය - අරුණ ගුණවර් ධන
නව සංගීතය, නාද සංකලනය සහ ගායනය - අමිල නුවන් කුමාරතුංග
A ft S Products

අමිල නුවන් කුමාරතුංගගේ වෙනත් ගීත

සඳ එබී බලා -    • Sanda Ebi Bala (Official Music Video)...  
සයුරු තෙර -    • Sayuru Thera (Official Music Video) |...  
කැලණි කුමාරි -    • Kelani Kumari (Official Music Video) ...  
මුදු සුවඳ -    • Mudu Suwanda (Official Music Video) |...  
කවියාණනේ -    • Kaviyanane (Official Music Video) | ක...  

---------------------------------------------------------

විශේෂ ස්තූතිය

‍කොවුලෙකි නුඔට
මෙය සුජීව හෙට්ටිතන්ත්‍රි පද රචනය කළ අරුණ ගුණවර් ධන සංගීතවත් කළ සඳරු ගමගේ නාද සංකලනය කළ සමනලී ෆොන්සේකා ගයන කොවුලෙක් මොටද ගීතයට ලියැවුණු පිළිතුරු ගීතයයි.

මෙහි පදවැල ආචාර් ය උපුල් ප්‍රියන්ත ගමගේ. නව සංගීතය, නාද සංකලනය සහ ගායනය අමිල නුවන් කුමාරතුංග.

මෙම පිළිතුරු ගීතයේ සියලු ගෞරවය උක්ත සැමට හිඑි විය යුතු ය.

------------------------------------------------------------

වෙනත් ගීත Lyrics


කැලණි කුමාරි -    • Kelani Kumari (Official Music Video) ...  

වලා යටින් රන් පැහැය දිදී
මිනිසුන් අහසින් යනෙන ලොවේ
විදුලි රියෙන් බිම තැලෙන වෙලේ
කැලණි කුමාරිය නිහඬ රැයේ
සැරසෙනා හැඩ බලමිනා
රවටනවා මගෙ සිත සනසා

හිනැහුණා ඔබ නිදි වරා
දැවෙනවා කඳුළින් සිනා
කියාගන්න බැරි ජීවිතේ
වෙහෙසුණේ මනසින් නොවේ
කැලණියේ මගෙ කුමරියේ

වලා යටින්.....

දිලිහෙනා මුව සරසනා
ගිලිහුණා වන මල් ගෙනා
පාලමේ සැඟවී ගියේ
මාවතේ ඔබෙ ජීවිතේ
කැලණියේ මගෙ කුමරියේ

වලා යටින්.....

තනුව - අශාන් ඉසුරංග
පද රචනය, සංගීතය, සංගීත සුසංයෝගය සහ ගායනය - අමිල නුවන් කුමාරතුංග
A ft S Products

----------------------------------------

සඳ එබී බලා -    • Sanda Ebi Bala (Official Music Video)...  

සඳ එබී බලා මැවූ හැඟුම් සිත් අහසම පුරා
හදවතට හොරා දැනෙන සිතුම් සිහිනයක්ම වෙලා
දෑස වසා සඟවන්නම් හිමි කඳුළැල් නුරා
මුළු ලොවට හොරා සඳ සැඟවී රහසේ ගිලිහුණා

තරු කතා කියන නෙතු ළඟ මම ඉන්නම් සැඟවී
හමුවෙලා ගෙවූ කාලය අද හැරයයි ගොළුවී
මට මාව පවා අහිමිව හෙට ගියාට නිමවී
මතු සසර පුරා එනු මැන හදවතටම ළංවී

නවකතා අතර පිටුවල නුඹ හිටියත් නන්දා
පෙම් කතා පොතේ හිස් පිටු පිරවූවත් සැමදා
පෙම් පුරාවතක් වෙනුවට නුඹ දුන්නේ නින්දා
හැරදමා ගියත් සදහට නුඹටම පෙම් බැන්දා

සඳ එබී බලා....

පද රචනය - අනුරාධා හේරත්
තනුව, සංගීතය, සංගීත සුසංයෝගය සහ ගායනය - අමිල නුවන් කුමාරතුංග
A ft S Products

-----------------------------------------

සයුරු තෙර -    • Sayuru Thera (Official Music Video) |...  

සයුරු තෙර වූ පහන් ටැඹ සේ තොටුපළට මඟ පෙන්වනා
කතර මැද දිලි තරු පෙළක් සේ කෙම් බිමට ගැල් ගෙනයනවා
ගතකුරට පණකුරක් වාගේ මා වෙතට ඔබ ළංවුණා
මා වෙතට ඔබ ළංවුණා.....

සටන පැරදී දිවි එපා වී වෙහෙසවී ගෙට ගොඩ වුණා
ගතට පණ දී සිතට වෙර දී නව ලොවක අරුණළු ගෙනා
ඔබය විදුලිය කළු වලාවක අඳුර මැද එළි දල්වනා
අඳුර මැද එළි දල්වනා.....

දිවි ගැලේ සක මෙන් තැලී පෙරලී සියලු දුක් උහුලනා
මගේ දිවි ගමණට ඔබ ම වෙයි සදා දුන්නේ වාසනා
මව ද බිර්‍රිද ද සොයුරියද යෙහෙළිය ද දියණිය ඔබ වුණා
මගේ ලෝකය ඔබ වුණා....

සයුරු තෙර වූ.....

පද රචනය - පූජ්‍ය කැටකාලේ උපරතන හිමි
තනුව හා සංගීතය - අශාන් ඉසුරංග
ගායනය - අමිල නුවන් කුමාරතුංග
සංගීත සුසංයෝගය - ගිහාන් සී නන්දසේන
A ft S Products

----------------------------------------

මුදු සුවඳ -    • Mudu Suwanda (Official Music Video) |...  

කවුළුව අතරින් මලකින් ගිලිහුණුෙ
මුදු සුවඳක් එන අඳුරු පැයේ
පුර පුන් පෝයට පාද තබන සඳ
ඈත නිනව් කෙලවරක තියේ

මුසුවී සිත ළඟ දැවටී යනවිට
මසිත කැලඹු ඔබේ දසුන මැවේ
කියඹුව අතරින් විජ්ජුලතාවන්
පාද තබන සඳ ලෙසින් දිසේ

කවුළුව අතරින්....

වෛර නොකර යන ඉනි වැට නැගලා
මඳ සුළඟත් නුඹ ලෙසින් පෙනේ
වාද නොකර සිත එතැනම නැවතී්
හෝපලු වනයක නිදනු කෙසේ

කවුළුව අතරින්....

පද රචනය - ආචාර් ය උපුල් ප්‍රියන්ත ගමගේ
තනුව, සංගීතය, සංගීත සුසංයෝගය සහ ගායනය - අමිල නුවන් කුමාරතුංග
A ft S Products

-------------------------------------------------

කවියාණනේ -    • Kaviyanane (Official Music Video) | ක...  

කවියාණනේ ඔබ මිය ගිය සෝකෙන්
සරස්වතිය අද හඬා වැටේ
ඇවිලෙන සුවඳින් ඇය සනසන්නට
දෙනුමැන ඔබ ගෑ සඳුන් ගැටේ
කවියාණනේ....

ඇය තුරුලට වී මිමිණූ රස බස්
හෙලනා සුසුමින් පිළිරැව් දේ
යලි යලි ඒ රස මැව්මට වෙහෙසුණු
සෙවනැලි පමණකි හතර අතේ
කවියාණනේ....

ඔබගේ වෙස් ගෙන ආ මුත් බොහෝ දෙන
හැඩරුව තවමත් ඇස නොගැටේ
පවස නිවා සිත සනසාලන්නට
දියබිඳකුදු උන් සතුව නැතේ
කවියාණනේ....

කවියාණනේ....

පද රචනය - පූජ්‍ය කැටකාලේ උපරතන හිමි
තනුව, සංගීතය, සංගීත සුසංයෝගය සහ ගායනය - අමිල නුවන් කුමාරතුංග
A ft S Products