شيلة الزعيم ابن الزعيم كلمات الشاعر مشعل عبدالله بن عون أداء المنشد ناصر السيحاني

كلمات العمل:
سامرت لي غيمة لراعدها رزيم
ويلوح بارقها بعرض اخيالها
البرق من وادي لبن لين النظيم
والسيل معها سابقٍ همالها
ويوم استهلّت قام يردعها النسيم
وقامت تصب الخير ويّرفالها
تمطر على دار الزعيم ابن الزعيم
نسل الملوك اللي يذري جالها
اللي يفكون الغريم امن الغريم
وان كبرت القاله تبين افعالها
واليوم حنا في ذرا الفرد الكريم
ثم في ذرا سلمانها خيالها
سيفه يخلي كل مايل يستقيم
ويدرونه العيّال مع جهالها
اللي مسيّرها على النهج القويم
وهموم الامة كلها مشتالها
ابو فهد زيزومنا الحر العديم
كم من مصيبه قد شرب فنجالها
كم مشكله مرت يحير ابها الفهيم
وسلمان لاجاها يحل اشكالها
ويمينه محمد عمى عين الخصيم
اللي يشيل اخفافها واثقالها
حلّق بنا فوق المجرة والسديم
وبلادنا اتعلّق عليه امالها
على العداء قاسي ومع شعبه حليم
ويجازي العالم بحسب اعمالها
للشعب ودانه كما ودان ديم
والا العداء دايم يشيّن فالها
ماظنتي مثله يجيبن الحريم
لو سمّت العالم عليه عيالها
وبذكّر اللي في هل العوجاء غشيم
ببيات قبلي بن دحيّم قالها
ربعي هل العوجاء هل الفعل القديم
كل القبايل خابرين افعالها
ومن دون بيت الله وزمزم والحطيم
ترخص مداغيش العيال احوالها

للإستماع mp3: https://d.top4top.net/m_832ounty1.mp3

تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق
اذا اعجبت بالعمل لا تنسى الاشتراك بالقناة والاعجاب والمشاركه في نشره فبكم نرتقي ونتميز
يسعدنا تواصلكم على:
سناب سمو :   / smo.tube  
تويتر:   / smotube  
ايميل: [email protected]
واتس آب 0550690666
انستقرام   / smotube