ទៅទស្សនាកម្សាន្តបឹងកោះសុក្រមនៅខេត្តក្រចេះ

មុននឹងទៅដល់រមណីយដ្ឋាន បឹងកោះសុក្រម យើងត្រូវធ្វើដំណើរ ចេញពីរង្វង់មូលព្រាបស ក្រុងក្រចេះ តាមផ្លូវជាតិលេខ៧ ក្រចេះ -ស្នូលដែលមាន ចម្ងាយ ប្រមាណជា៩ គីឡូម៉ែត្រប៉ុណ្ណោះនឹងមានផ្លូវចូលនៅខាងស្ដាំដៃមានចម្ងាយ៤គីឡូម៉ែត្រទៀត។
រមណីយដ្ឋានបឹងកោះសុក្រមស្ថិតនៅក្នុងភូមិជួរជ្រៃឃុំដាស្រុកចិត្របុរីខេត្តក្រចេះ។
ពេលទៅដល់យើងនឹងឃើញ រមណីយដ្ឋាន ធំល្វឹងវើយជាប់មាត់ផ្ទៃបឹងដោយមានការ រៀប ចំជាកន្លែងអង្គុយលេង សម្រាប់ទទួលទានអា ហារជាច្រើនកន្លែងតាមបែបធម្មជាតិ។មានភ្ញៀវទេសចរជាតិនិងអន្តរជាតិ ទៅកម្សាន្តនៅទីនោះ ទទួលទានអាហារគ្រប់បែបយ៉ាងមានដូចជា ត្រី សាច់គ្រឿងសមុទ្រគ្រប់មុខ។ គយគន់មើល ទេស ភាពស្តាប់បទ ចម្រៀង ដែលភ្ញៀវចាក់បាស់។គេក៏អាច ដើរកាត់ តាមស្ពានដែលមានរៀបចំ លយ ចូលទៅក្នុង ទឹកបឹង អមដោយផ្កាចម្រុះពណ៌ តាមបង្កាន់ដៃស្ពាន។ ឈរស្រូបយកខ្យល់អាកាសបរិសុទ្ធបំបាត់ទុក្ខកង្វល់។
មិនតែប៉ុណ្ណោះ គេអាចងូតទឹក ហែលលេងនៅក្នុងបឹង មានពណ៌ថ្លាឈ្វេងត្រជាក់ សព្វប្រាណលើផ្ទៃទឹកដោយសប្បាយរីករាយ។
ក្រៅពីនេះក៏មានរៀបចំទទួលកម្មវិធី ផ្សេងៗនិងបំរើសេវាកម្មបានល្អ។ ទុកដាក់សំរាមមានអនាម័យខ្ពស់អនុវត្តតាមការណែនាំរបស់មន្ទីរទេសចរណ៍ខេត្ត។
លោក អ៊ូគី ហួតម្ចាស់រមណីយដ្ឋានបឹងកោះសុក្រមបានរៀបរាប់ប្រាប់ថាក្រោយស្ថានភាពជំងឺកូវីដ១៩បានស្ងប់ស្ងាត់ទៅវិញហើយប្រ មុខរាជរដ្ឋាភិបាលបានបើកប្រទេសឡើងវិញនោះលោកក៏បានរៀបចំរមណីយដ្ឋាននេះជាបន្តដើម្បីទទួលភ្ញៀវទៅលេងកម្សាន្តនិងមានសេវាកម្មម្ហូបអាហារជាច្រើនមុខ។
ម្ចាស់រមណីយដ្ឋានបឹងកោះសុក្រមបានបញ្ជាក់ប្រាប់ថាការរៀបចំនេះក៏មានការអនុញ្ញាតពីស្ថាប័នជំនាញពាក់ព័ន្ធក្នុងខេត្តក្រចេះផងដែរដើម្បីបង្កើតឡើងជាកន្លែងភោជនីយដ្ឋាននិងកម្សាន្តតាមបែបធម្មជាតិ៕
eng_sokhom_channel
   / @engsokhom9723