Скачать или смотреть Prize Distribution Ceremony Shah Hamdan Campus Balti Colony Alipur Islamabad,Part:2

#تقریبِ_تقسیمِ_انعامات_بسلسلہ_ختم_قرآن_و_تکمیل_دعوات_صوفیاء
شاہ ہمدان کیمپس صوفیہ نوربخشیہ بلتی کالونی علی پور اسلام آباد
#رپوٹر + #کوریج: نجم الدین جلالی (ایجوکیشن سیکٹری NYF پنجاب ڈیوژن)
اس روح پرور محفل میں صدارت کی کرسی پر قائدِ ملتِ صوفیہ نوربخشیہ حضرت مولانا رستم علی انجم صاحب جلوہ افروز تھے۔ تقریب میں علماۓ کرام کی کثیر تعداد نے شرکت کی، جن میں نائب خطیب جامع مسجد صوفیہ نوربخشیہ باقر پی گوند، مؤلف و مدرس مولانا محمد شفیع مطہری صاحب، خطیب جامع مسجد صوفیہ نوربخشیہ شیرتھنگ قاری غلام رسول صاحب، پرنسپل ماڈل ہائی اسکول خپلو مولانا محمد حسین صاحب،پرنسپل مدرسہ اصحاب صفہ ہمدانی ٹاون مولانا کلیم اللہ صاحب، ایڈووکیٹ مولانا قیصر محمود صدیقی صاحب اور نجم الدین جلالی نمایاں تھے۔
محفل میں ملت کے نوجوانوں، ماؤں اور بہنوں کے ساتھ ساتھ درگاہ نوربخش کے طلاب نے بھی بھرپور شرکت کی، جس سے تقریب کی علمی و روحانی شان میں اضافہ ہوا۔
نظامت و نقابت کے فرائض برادرم اشرف احمد نے انتہائی خوش اسلوبی سے نبھائی۔
علماۓ کرام نے اپنے خطابات میں قرآنِ مجید کی فضیلت، شان، عظمت، مقام اور مرتبے پر جامع اور مؤثر انداز میں روشنی ڈالی اور طلبہ و طالبات کو قرآن سے مضبوط تعلق قائم رکھنے کی تلقین کی۔ اس موقع پر سالانہ امتحانات میں اعلیٰ نتائج حاصل کرنے والے طلبہ و طالبات میں انعامات اور اسناد تقسیم کی گئیں۔
تقریب میں این وائی ایف پنجاب ڈویژن اور این وائی ایف اسلام آباد ڈویژن کے عہدیداران اور صدر انجمن صوفیہ نوربخشیہ علی پور محترم المقام برادرم اکبر بھائی نے بھی خصوصی شرکت کی۔ آخر میں اجتماعی دعا کے ساتھ یہ بابرکت محفل اختتام پذیر ہوئی۔
#میزبان + #خراج_تحسین
اس بابرکت اور روح پرور محفلِ سعید کے کامیاب انعقاد کا سہرا بجا طور پر امام و مدرس مولانا نعیم الرحمٰن بلغاری صاحب اور ان کی اہلیہ، مدرسہ ہذا کی معلمہ محترمہ ریحانہ رحمانی صاحبہ کے سر جاتا ہے۔ یہ حقیقت روزِ روشن کی طرح عیاں ہے کہ آج کی یہ منظم، باوقار اور ثمرآور نشست انہی کی شبانہ روز محنت، اخلاص، حسنِ تدبیر اور خلوصِ نیت کا عملی مظہر ہے۔
مولانا نعیم الرحمٰن بلغاری صاحب نے بحیثیت امام و مدرس نہ صرف تعلیمی و تربیتی ذمہ داریوں کو حسنِ طریقے سے نبھایا بلکہ ادارے کو نظم، وقار اور روحانی ماحول عطا کیا، جبکہ محترمہ ریحانہ رحمانی صاحبہ نے بطور معلمہ اپنی علمی بصیرت، اخلاقی تربیت اور مادرانہ شفقت کے ذریعے طالبات کی دینی و روحانی آبیاری میں قابلِ رشک کردار ادا کیا۔
یہ محفل درحقیقت اس حقیقت کی جیتی جاگتی تصویر ہے کہ جب علم کے ساتھ اخلاص، اور خدمت کے ساتھ ایثار شامل ہو جائے تو اس کے ثمرات قوم و ملت کے لیے مشعلِ راہ بن جاتے ہیں۔ ہم دونوں معزز شخصیات کی ان مخلصانہ کاوشوں کو دل کی گہرائیوں سے سراہتے ہیں اور دعا گو ہیں کہ اللہ رب العزت ان کی خدمات کو شرفِ قبولیت عطا فرمائے، ان کے علم و عمل میں برکت دے اور انہیں آئندہ بھی دینِ اسلام اور ملتِ صوفیہ نوربخشیہ کی خدمت کی توفیقِ جلیلہ عطا فرمائے۔ آمین

#noorbakhshia
#sufism