Скачать или смотреть Bairabi Rail kawng sir a mahni chauh a khawsa thin Pu Lalmawia'n chatuan ram min pansan ta..

Bairabi Rail kawng sir a khawsa thin mi inphal te thilpek hmanga chenna In kan sak sak Pu Lalmawia chu tha chho zel tura kan ngaih laiin January ni 2,2023 dar 9:30pm khân Bairabi Damdawiin ah a boral. A va pawi tak em!

Pu Mawia hi a dinhmun a that ve zel avangin nikum 2022 December thla laihawl khan Damdawiin atanga lak chhuah a ni a. Mahse January ni 2,2022 zan dar 9:00pm vel khân alo chau thut a, Bairabi damdawiin panpui anih hnuah a chatthla zui ta a ni. A ruang hi a chenna In thar ah lumen pui a ni a, a tuk chhûn dar 12:00pm khan vui a ni. Pu Mawia hian a chenna In thar hi thla khat vel awrh chauh ala luah hman a ni.


A natna chungchang :

Kum engemaw zat liam ta khân hliam mi pakhat a bawihsawm na ah thisen a kai palh a. Chuta tang chuan natna pakhat HIV kaiin mi thinhrik nih te a hlawh a, pui punna a awm leh mi laka tel tam pawh nuam a ti tawh lo a ni. Chhung leh khat han belh mai tur mumal a neih loh avangin hmun hrang hrang ah a awm kual a, rail kawng sir ah Silpaulin leh Dap hmanga siam In chhe te luahin hun eng emaw chen alo khawsa nghe nghe a ni.

A taksa natna dotu khawl(immune system) chu zawi zawiin a chak lo chho zel a, hemi avang hian tlâng hrileng pawh a kai hma thin khawp mai. A thih ni thleng hian natna ben vawn chi hrang hrang a nei a ni.

Natna awm tawh lohna kan Pathian âng chhungah thlamuang takin chawl mawlh rawh se.

__________________________________________


Please like, subscribe and share for more videos..

Follow us on :
Instagram
  / zoins_piration  
Facebook   / zo-inspiration-112311357344408