អ៊ុយក្រែនបានប្រើប្រាស់យន្តហោះ F 16 ដើម្បីស្ទាក់ចាប់គ្រាប់មីស៊ីលរុស្ស៊ីដែលសំដៅមកលើទីក្រុងអ៊ុយក្រែន

សមត្ថភាពការពារមីស៊ីលរបស់អ៊ុយក្រែនរួមមានប្រព័ន្ធជាច្រើនដូចជា NASAMS និង Iris-T ទោះបីជាប្រព័ន្ធទាំងនេះមានដែនកំណត់ ជាពិសេសនៅពេល ប្រឈមមុខនឹងការគំរាមកំហែងកម្រិតខ្ពស់បន្ថែមទៀតដូចជា មីស៊ីលផ្លោង មីស៊ីលលឿនជាងសំឡេង និងមីស៊ីលប្រឆាំងយន្តហោះដែលបានកែច្នៃឡើងវិញ សម្រាប់ប្រើក្នុងតួនាទីវាយលុក។ បញ្ហាប្រឈមកាន់តែធ្ងន់ធ្ងរនៅពេលប្រឈមមុខនឹងការវាយប្រហារទ្រង់ទ្រាយធំ ដែលអាចគ្របដណ្ដប់លើប្រព័ន្ធការពារ របស់អ៊ុយក្រែន ដោយប្រព័ន្ធការពារដែនអាកាសពិបាកក្នុងការវិលជុំឡើងវិញឱ្យបានលឿនគ្រប់គ្រាន់ ដើម្បីឆ្លើយតបប្រកបដោយប្រសិទ្ធភាព។
យោងតាម មន្ត្រីជាន់ខ្ពស់ផ្នែកអាកាសចរណ៍យោធានៅ វិទ្យាស្ថានអន្តរជាតិសម្រាប់ការសិក្សាយុទ្ធសាស្ត្របាននិយាយថា ការប្រើប្រាស់របស់ទីក្រុងម៉ូស្គូ នៃយន្តហោះគ្មានមនុស្សបើកវាយប្រហារ ហាក់ដូចជាមានគោលបំណងចង់បំផ្លាញនូវគ្រាប់មីស៊ីលពីដីទៅអាកាសរបស់អ៊ុយក្រែន"។ ជាការឆ្លើយតបទៅនឹងយុទ្ធសាស្ត្រនេះ អ៊ុយក្រែនបានងាកមកប្រើប្រាស់កាំភ្លើងធំ និងឧទ្ធម្ភាគចក្រ ដើម្បីបាញ់ទម្លាក់យន្តហោះគ្មានមនុស្សបើក ដែលមានតំលៃថោកទាំងនេះ ដោយរក្សាទុកនូវគ្រាប់មីស៊ីលពីដីទៅអាកាសដ៏ទំនើបរបស់ពួកគេ សម្រាប់ការគំរាមកំហែងអាទិភាពខ្ពស់ ដូចជាប្រភេទមីស៊ីល ទំនើបៗរបស់រុស្ស៊ីជាដើម។