Khit Thit သတင်းဌာန၏ ဒီဇင်ဘာ ၁၇ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ ဒီဇင်ဘာ ၁၇ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဒီဇင်ဘာ ၁၇ ရက် ညနေပိုင်း တင်ဆက်ပေးမယ့် သတင်းတွေကတော့

ရခိုင်ပြည်နယ် အမ်းမြို့က နောက်ဆုံးကျန်နေတဲ့ အကြမ်းဖက် စစ်ကောင်စီရဲ့ အနောက်ပိုင်းတိုင်း စစ်ဌာနချုပ်ကို အာရက္ခတပ်တော် AA တပ်တွေ စတင် ပိတ်ဆို့တိုက်ခိုက်တဲ့အချိန် စစ်သားတွေအတွက် ရိက္ခာလာပို့တဲ့ ရဟတ်ယာဉ်ပေါ်ကို အတင်းတက်ပြီး အမိန့်မရဘဲ ဆုတ်ခွာထွက်ပြေးလာတဲ့ ဒုတိုင်းမှူး ဗိုလ်မှူးကြီး သောင်းထွန်း ဆိုသူကို စစ်ကောင်စီက သူတို့အချင်းချင်း ပြန်လည် ဖမ်းဆီး စစ်ဆေးနေ တယ်လို့ စစ်တပ်သတင်းရင်းမြစ်က ရန်ကုန်ခေတ်သစ်ကိုပြောပါတယ်။

ကရင်ပြည်နယ်က သမိုင်းဝင် KNU ဌာနချုပ်ဟောင်း မာနယ်ပလောကို KNLA ပူးပေါင်းတပ်တွေက အပြီးသတ်သိမ်းပိုက်လိုက်ပြီလို့ KNU ဗဟိုဌာနချုပ်ရဲ့ ပြောရေးဆိုခွင့်ရှိသူ ပဒိုကလယ်စေးက ရန်ကုန်ခေတ်သစ်ကို အတည်ပြုပြောထားပါတယ်။

အကြမ်းဖက် စစ်ခေါင်းဆောင် မင်းအောင်လှိုင်ကို ရိုဟင်ဂျာလူမျိုးတုန်းသတ်ဖြတ်မှုတွေနဲ့ ICC ကနေ အမြန်ဆုံး ဖမ်းဝရမ်းထုတ်ပေးဖို့ အတွက် နိုင်ငံတကာရဲ့ တောင်းဆိုမှုတွေမြင့်တက်နေတဲ့အချိန်မှာပဲ တစ်ဖက်က ICJ မှာလည်း မြန်မာအပေါ် ရိုဟင်ဂျာလူမျိုးတုန်းသတ်ဖြတ်မှုနဲ့ တရားစွဲဆိုထားမှုမှာ တရား လို ဂမ်ဘီယာ ဘက်ကနေ ဘယ်လ်ဂျီယံနိုင်ငံက ထပ်မံ ပါဝင်ဖို့ လျှောက်ထားလိုက်ပြီး ၊ တရားလို နိုင်ငံဘက်ကနေ ရပ်တည်လာတဲ့ နိုင်ငံပေါင်း ၁၁ ခုအထိ ရှိလာတဲ့ သတင်းအပါအဝင် နောက်ဆုံး ရသတင်းတွေကို တင်ဆက်ပေးပါမယ်။