Скачать или смотреть Volontyorlar tashabbusi – “Fundoo App” ilovasi yaratilmoqda!

Hamjamiyatlarni mustahkamlash va ijtimoiy farovonlikni rivojlantirish markazi qoshida faoliyat yuritayotgan “Kambag‘allik siklini to‘xtatamiz” (SCP) volontyorlik guruhi o‘z faoliyatini yanada kengaytirish va samaradorligini oshirish yo‘lida navbatdagi muhim tashabbusni boshlab berdi.

Guruh a’zolari hozirda “Fundoo App” nomli mobil ilovani yaratish bo’yicha muhokama olib bormoqdalar. Ushbu innovatsion platforma yoshlar o‘rtasida moliyaviy savodxonlikni o‘yinlar, interaktiv topshiriqlar va amaliy mashg‘ulotlar orqali oshirishni maqsad qilgan.

“Fundoo App” foydalanuvchilarga:
🟢shaxsiy byudjetni to‘g‘ri boshqarish,
🟢tejash va sarmoya kiritish odatlarini shakllantirish,
🟢kundalik hayotda to'g'ri moliyaviy qarorlar qabul qilish kabi ko‘nikmalarni rivojlantirish imkonini beradi.

Loyihaning konsepsiyasini yanada takomillashtirish maqsadida Ijtimoiy himoya milliy agentligi qoshidagi Axborot texnologiyalari markazi hamda Kambag‘allik darajasini baholash va kambag‘al oilalar ro‘yxatini yuritish boshqarmasi mutaxassislari tomonidan bir qator taklif va tavsiyalar ishlab chiqildi.

Ushbu hamkorlik nafaqat volontyorlar g‘oyasini amaliy natijaga aylantirish, balki yoshlarning ijtimoiy faolligi, raqamli tafakkuri va moliyaviy madaniyatini yuksaltirishga xizmat qiladi.