Скачать или смотреть Ndërhyrjet në Velipojë, kryebashkiaku Beci inspekton nga afër situatën

Bashkia Shkodër ka nisur një aksion të gjerë për lirimin e hapësirave publike në plazhin e Velipojës, duke synuar përmirësimin e kushteve për pushuesit dhe rritjen e cilësisë së shërbimeve përgjatë vijës bregdetare.

Gjatë ditës së sotme, vetë Kryetari i Bashkisë Shkodër, Benet Beci, ka ndjekur nga afër këtë ndërhyrje, i shoqëruar nga Drejtori i Policisë së Shkodrës, Fatmir Lleshi, si dhe drejtues të policisë kufitare. Kryebashkiaku zhvilloi takime me pushues në zonat publike të plazhit, të cilët kanë përshëndetur masat e marra dhe përpjekjet për një ambient më të rregullt dhe të aksesueshëm për të gjithë.

Benet Beci, Kryetar i Bashkisë Shkodër (sinkron): “Velipoja është pasuri e përbashkët, dhe çdo pushues duhet të ndjehet i lirë të shijojë plazhin publik. Ndërhyrja jonë ka për qëllim jo vetëm lirimin e hapësirave, por edhe përmirësimin e standardeve të shërbimit.”

Që prej ditës së hënë, me urdhër të Kryetarit të Bashkisë, është ngritur një Task Forcë e përbashkët mes Policisë Bashkiake, Inspektoratit të Mbrojtjes së Territorit (IMT) dhe Ndërmarrjes së Shërbimeve Publike. Objektivat përfshijnë:
• Lirimin e hapësirave të zaptuara në mënyrë të paligjshme;
• Rregullimin e pedonales dhe shëtitores bregdetare;
• Evidentimin dhe ndëshkimin e subjekteve që ushtrojnë aktivitet pa leje.

Velipoja, vetëm 40 kilometra larg Shkodrës, mbetet një nga qendrat më të rëndësishme turistike të veriut. Gjatë fundjavave, numri i vizitorëve kap shifrën mbi 100 mijë, çka e bën menaxhimin urban dhe bregdetar një sfidë të përhershme për autoritetet lokale.

Bashkia Shkodër ka deklaruar se ndërhyrjet do të vijojnë edhe në ditët në vijim, për të garantuar rend, pastërti dhe një eksperiencë pozitive për të gjithë vizitorët që zgjedhin Velipojën për pushimet e tyre.

▪️ Web: https://www.shkodrazone.com
▪️ Instagram:   / shkodrazone  
▪️ Facebook: https://www.facebook.com/profile.php?...