ကဆုန်လပြည့် ဗုဒ္ဓနေ့ တရားတော်

ကျေးဇူးတော်ရှင် မဟာစည်ဆရာတော်ဘုရားကြီး၏ တရားတော်များကို ၂၄-နာရီပတ်လုံး လွှင့်ပေးနေသည့် Channel ဖြစ်ပါသည်။ ဗုဒ္ဓသာသနာနုဂ္ဂဟအဖွဲ့ချုပ် က ၂၀၂၃-ခုနှစ် အောက်တိုဘာလ ၂၂-ရက် မှစတင်၍ လွှင့်တင်ထားရှိပါသည်။
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

ကျေးဇူးတော်ရှင် မဟာစည် ဆရာ‌တော်ဘုရားကြီးသည် ၁၃၃၂-ခု၊ ကဆုန်လပြည့် ဗုဒ္ဓနေ့ နံနက်ပိုင်းတွင် ရန်ကုန်မြို့၊ သာသနာ့ရိပ်သာ၊ ဟိတေသီဓမ္မာရုံ၌ သီလပေး တရားတော်ဟောကြားပြီး နေ့လယ်ပိုင်းတွင် ဖလ်ယဉ်ဓမ္မာရုံ၌ “ကဆုန်လပြည့် ဗုဒ္ဓနေ့ တရားတော်” ကို ဆက်လက်ဟောကြားတော်မူပါသည်။ ဤတရားတော်ကို သလ္လေခသုတ် တရားတော် (ပထမတွဲ) ၌ တတိယပိုင်းအနေဖြင့် ဖော်ပြထားပါသည်။ (ဟောတရားကို အနှစ်သာရ မပျက်အောင် ချုံ့ပြီး စာအုပ်အဖြစ်ထုတ်ထားသည့်အတွက် အသံဖိုင်နှင့် စာအုပ်ထဲတွင်ပါသည့် စာသားအချို့ ကွဲလွဲပါသည်။)

“သလ္လေခသုတ် တရားတော်” ကို ဟောနေဆဲတွင် ကဆုန်လပြည့် ဗုဒ္ဓနေ့နှင့် ကြုံသည့်အတွက် ပရိသတ်အခြေအနေကိုကြည့်ကာ ဗုဒ္ဓနေ့နှင့်စပ်လျဉ်း၍ သိသင့်သိထိုက်သည်များကို ထည့်သွင်း ဟောကြားထားပါသည်။

ကျေးဇူးတော်ရှင် မဟာစည် ဆရာတော်ဘုရားကြီးသည် တရားဟောသည့်အခါ တရားစဉ်အတိုင်း ဟောလေ့ရှိပါသည်။ ထိုသို့ဟောနေစဉ် နေ့ထူးနေ့မြတ်နှင့်ကြုံလျှင် ထိုအကြောင်းကိုလည်း တရားစဉ်မပျက်စေဘဲ ထည့်သွင်းဟောလေ့ရှိပါသည်။ ဤသည်မှာ ဆရာတော်ဘုရားကြီး၏ ထူးခြားချက် ဖြစ်ပါသည်။

မည်သည့်အကြောင်း ဟောသည်ဖြစ်ပါစေ နောက်ဆုံးတွင် ဝိပဿနာရှုကွက်ဖြင့်ပင် အဆုံးသတ်လေ့ရှိပါသည်။ ထို့ကြောင့် ဆရာတော် ဘုရားကြီး၏ တရားတော်ကို နာယူ မှတ်သား ကျင့်ကြံ ပွားများပြီး ဉာဏ်စဉ်အဆင့်ဆင့် တက်ကာ ဒုက္ခခပ်သိမ်း ကင်းငြိမ်းရာဖြစ်သည့် နိဗ္ဗာန်ကို မျက်မှောက်ပြုနိုင်ကြပါစေ...

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

ကမ္ဘာအရပ်ရပ်မှ တရားချစ်ခင်သူတော်စင်များ လွယ်ကူစွာနာယူနိုင်ရန် မဟာစည်တရားတော်များ ၂၄/၇ ပြန့်ပွားရေးကုသိုလ် ပါဝင်လိုပါက မဟာစည်ကျမ်းစာအုပ် အရောင်းဆိုင် ဖုန်း- ၀၁-၅၄၅၄၆၉, ၀၁-၅၄၁၉၇၁, ၀၉၉၅၂၁၉၈၈၀၂ နှင့် [email protected] သို့ ဆက်သွယ်နိုင်စုံစမ်းနိုင်ပါကြောင်း အသိပေးပါသည်။