බේගල් කවි | Begal Kavi | මෙච්චර කවි ලංකාවේ - 03 | Mahinda Prasad Masimbula

බේගල් කවි

බොරුව යනු රාජ්‍යත්වය සමඟ නිබඳ බැඳී ඇති දෙයකි. බොරුව ඇතැමෙකුගේ පැවැත්මට රුකුල් දෙයි. ලොව මානව පැවැත්ම තුල බොරුව මහ ඉහළින් පවතින අතර ජන ජීවිතය තුළ විනෝදය, විවේකය තකා ද ඉවහල් වෙයි. මහත් හානි නොවන ලෙස බොරුවෙන් වින්දනය ලබන්නෝ ද වෙති. බොරුව, බින්නය/ ගජ බින්න/ බේගල් ආදී නම් වලින් හඳුන්වයි.

දුර්ලභ බේගල් කවි අප පුරාණ කවි අතර අපූරු රසයක් මවයි. එය උපහාස රසයට වඩාත් ළං වූවකි. බේගල් කවි වශයෙන් ලියැවුණු, කියැවුණු දුර්ලභ කවි විශේෂයක් පවතින අතර අන්දරේගේ කවි වල මෙන්ම ඇතැම් ජන කවි වලද බේගල් කාව්‍ය ලක්ෂණ ප්‍රකට කරයි.

පුරාවෘත වල එන ලෝකුරු නයිදේ නැමැති රජවාසල කවියාගේ කවියකැයි සැලකෙන මෙම ප්‍රකට "බොරු හතේ කවිය" නිර්මාණාත්මක අතින් ඉහළ තැනක් ගනී.

කිලි කුණු නැති වැඳිගෙ පුතෙක්
ඇඳගෙන නිල් වලා කඩක්
මිරිඟු දියෙන් නානය කර
පැලඳ දිඹුල් මල් වඩමක්...

තුරඟ අඟින් රථය තනා
අදිනට ඉබි ලොමින් යොතක්
කුහුඹු අඟින් කෙවිට තනා
දැක්විය සුරපුරට උදක්

බොරුවෙන් අහිංසක සතුටක් ලැබීමට හැකියාව ඇති අතර එය සාහිත්‍යයේ දී අපූරු රසයක් මවයි. නමුත් හැබැවින්නම් බොරුව යනු විනාශයකට මුලක් බවද සිතට ගත යුතුය.

Mahinda Prasad Masimbula: https://fb.com/mahindaprasad.masimbula
Santhawa Books: https://www.fb.com/santhawabooks