Top Channel/ Biznesi i të ardhmes! Sipërmarrja e djalit të një familje emigrantësh

I lindur në një prej zonave më të varfra të vendit, në Bulqizë, Mariglen Qorri është shembulli i të riut që vështirësitë i kthen në mundësi përmes punës dhe guximit.


Që fëmijë provoi sfidat e emigrimit, po për shkak të krizës në Greqi familja u kthye në atdhe ku Marigleni ndoqi dhe studimet në universitetin e Durrësit. Atëherë, sipërmarrja i dukej një ëndërr e ndaluar, po shpejt e kuptoi se ishte gabuar.

”Mendoja se të ishe sipërmarrës ishte çështje fati apo e trashëgueshme, po duke lexuar libra dhe takuar njerëz kuptova se ishte çështje dëshire, pune dhe zgjedhjesh që bën në jetë.”, thotë ai.


Mjaftoi një laptop për të shfrytëzuar mundësitë që të jep sot bota e internetit.

”E nisa i vetëm nga dhoma e gjumit, pastaj hap pas hapi dhe duke u munduar të jap më të mirën”.

“Gjatë pandemisë, kur gjithçka ishte e paqartë me shumë të panjohura, m’u dha mundësia përmes një shoku të hapim një kompani. Ishte si një test se kështu fillon me hapa të vegjël”.

Sot, ai ka sipërmarrjen e tij, një agjenci me një staf prej 7 të rinjsh që ofron shërbime zyre për kompanitë e huaja në distancë.

”Jemi të specializuar në kompani ndërtimi dhe një kompani në Kanada nuk ka nevojë të ketë staf zyre, por e bëjmë ne nga këtu. Qëllimi ynë është të ofrojmë shërbim me të njëjtën cilësi që do të bëhej atje, po me kosto më të ulët”.

Përveç punës, Marigleni është dhe një aktivist i angazhuar në çështje të ndryshme me karakter humanitar e mjedisor në Durrës, pasi është i bindur se vetëm qytetarët e angazhuar mund ta përmirësojnë cilësinë e jetës në Shqipëri.

“Le të shikojmë ne çfarë mund të bëjmë. Jo të kërkojmë gjithmonë nga të tjerët”.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Biznesi#Sipermarrja#TopChannelNews