08 දෙනෙකුට මරු කැඳවූ මඩොල්සිම මාරක බස් අනතුරේ ඇසින් දුටු සාක්ෂිය - Hiru News

08 දෙනෙකුට මරු කැඳවූ මඩොල්සිම මාරක බස් අනතුරේ ඇසින් දුටු සාක්ෂිය - Hiru News

පස්සර - මඩොල්සිම මාර්ගයේ 06 කණුව ප‍්‍රදේශයේදී බස් රථයක් ප‍්‍රපාතයකට පෙරළී සිදුවූ අනතුර සම්බන්ධයෙන් සොයා බැලීම සඳහා ලංකා ගමනාගමන මණ්ඩලය විශේෂ පරීක්ෂණයක් ආරම්භ කර තිබෙනවා.
ඒ සඳහා මඩොල්සිම ප‍්‍රදේශයට ගොස් ස්ථානීය පරීක්ෂණයක් ද සිදුකරන බවයි ලංකා ගමනාගමන මණ්ඩලයේ සභාපති කිංස්ලි රණවක හිරු ප‍්‍රවෘත්ති අංශයට සඳහන් කළේ.
පස්සර සිට ඇකිරියන දක්වා ධාවනය වෙමින් තිබූ ශ‍්‍රී ලංගම බස් රථයක් ඊයේ (06) පස්වරුවේ මෙලෙස අනතුරට ලක්වුණා.
එහිදී පොලීසිය සහ රෝහල් බලධාරීන් මුලින් ප‍්‍රකාශ කළේ අනතුරෙන් පුද්ගලයින් 12 දෙනෙකු මිය ගොස් තවත් 40 දෙනෙකු පමණ තුවාල ලබා රෝහල් ගත කළ බවයි.
නමුත් මේ වන විට පොලීසිය සහ රෝහල් බලධාරීන් නිළ වශයෙන් තහවුරු කරමින් ප‍්‍රකාශ කරන්නේ අනතුරෙන් පුද්ගලයින් 08 දෙනෙකු පමණක් ජීවිතක්ෂයට පත්වී ඇති බවයි.
මිය ගිය අය අතර කාන්තාවන් සහ කුඩා ළමයින් ද සිටින බව ද පොලීසිය සදහන් කළා.
කෙසේ වෙතත්, මේ පිළිබදව විශේෂ පරීක්ෂණයක් කි‍්‍රයාත්මක කරන බවයි ලංකා ගමනාගමන මණ්ඩලයේ සභාපති කිංස්ලි රණවක හිරු ප‍්‍රවෘත්ති අංශයට කියා සිටියේ.

Subscribe now : https://goo.gl/XQSvGv
Watch more :    / hirunewsofficial  
Hiru News Sri Lanka's Number One News Portal.
Website: www.hirunews.lk
Follow Us On
Like us on Facebook: https://www.fb.com/hirunews
Follow us via Tweeter:   / hirunews  
Follow us via G+: https://google.com/+HirunewsL
Subscribe Now:    / hirunews