Скачать или смотреть აშშ და სამხრეთ კორეა ერთობლივ სამხედრო წვრთნებს მართავენ

აშშ და სამხრეთ კორეა ერთობლივ სამხედრო წვრთნებს მართავენ.

სწავლებებში, რომელიც დღეს იწყება, 17 ათასზე მეტი ამერიკელი და 50 ათასზე მეტი სამხრეთ კორეელი სამხედრო მოსამსახურე მონაწილეობს.

როგორც სეულსა და ვაშინგტონში აცხადებენ, მანევრები თავდაცვითი ხასიათს ატარებს, თუმცა ფხენიანში მიაჩნიათ, რომ სამხედრო სწავლებები ჩრდილოეთ კორეაზე თავდასხმის რეპეტიციას წარმოადგენს.

ჩინეთი და რუსეთი აღნიშნული მანევრების დროებით გადადების ინიციატივით გამოდიოდნენ, სანაცვლოდ კი ფხენიანს ბალისტიკური რაკეტების ცდების შეწყვეტას სთხოვდნენ, თუმცა აშშ-ში განაცხადეს, რომ სამხედრო წვრთნები მაინც გაიმართება და ეს საკითხი განხილვას არ ექვემდებარება.

სწავლებების შესახებ კომენტარი გააკეთა სამხრეთ კორეის პრეზიდემტმაც.

მუნ ჯე ინის თქმით, სამხედრო მანევრები არც ერთი კონკრეტული სახელმწიფოს წინააღმდეგ არ არის მიმართული. აშშ-ისა და სამხრეთ კორეის ერთობლივი წვრთმები 10 დღეს გასტანს.