Скачать или смотреть हिंदी भाषा सक्ती विरोधात कल्याण पूर्वेत शिवसेनेचे आंदोलन, सकारच्या जिआर ची केली प्रतिकात्मक होळी !

हिंदी भाषा सक्ती विरोधात कल्याण पूर्वेत शिवसेनेचे आंदोलन; राज्यभर तीव्र आंदोलनाचा इशारा
सकारच्या जिआर ची केली प्रतिकात्मक होळी !
डरपोक सरकारने आदेश रद्द केल्याचे वृत्त समजताच आंदोलनकर्त्यांनी आनंदोत्सव साजरा केला !
कल्याण - राज्यातील शाळांमध्ये विद्यार्थ्यांना हिंदी भाषा शिकणे सक्तीचे करणाऱ्या शासन आदेशाचा शिवसेना (उद्धव बाळासाहेब ठाकरे) पक्षाच्या वतीने तीव्र विरोध करण्यात आला आहे. या आदेशामुळे मराठी भाषेची गळचेपी होत असल्याचा आरोप करत, हा आदेश त्वरित मागे घ्यावा, अन्यथा राज्यभर तीव्र आंदोलन छेडण्याचा इशारा देण्यात आला आहे.
रविवारी सायंकाळी कल्याण पूर्व कोळसेवाडीतील मध्यवर्ती कार्यालयासमोर शिवसेनेच्या पदाधिकारी आणि शेकडो शिवसैनिकांनी आंदोलन करत सरकारविरोधात जोरदार घोषणाबाजी केली. आंदोलन कर्त्यांनी “हिंदी सक्ती बंद करा”, “मराठीचा अपमान खपवून घेतला जाणार नाही” अशा आशयाची घोषणाबाजी करीत परिसर दणाणून सोडला . या वेळी सरकारच्या जीआर ची प्रतिकात्मक होळी करण्यात आली . या समयी .
“सरकारने हिंदीधार्जिणा निर्णय घेत मराठी भाषेला दुय्यम स्थान दिले आहे. हा आदेश मागे घेतला नाही, तर शिवसेना उद्धव बाळासाहेब ठाकरे पक्षाच्या वतीने राज्यभर तीव्र आंदोलन छेडण्यात येईल,” असा इशारा कल्याण पूर्व विधानसभा प्रमुख नारायण पाटील यांनी यावेळी दिला.
तर शहर प्रमुख शरद पाटील यांनी सांगितले की हिंदीच्या सक्तीमुळे बाल मनावर फार मोठा आघात होणार आहे, होवू घातलेल्या राज्यातील सर्व स्थानिक स्वराज्य संस्थांच्या निवडणूका जिंकण्यासाठी फडणवीस सरकारने टाकलेला हा एक डाव असून हा डाव शिवसेना (उबाठा ) पक्ष हाणून पाडल्या शिवाय रहाणार नाही असेही ते म्हणाले .
शहरप्रमुख शरद पाटील यांच्या नियोजनाने आंदोलनाचे आयोजन करण्यात आले होते. या आंदोलनात ॲड . निरज कुमार, प्रकाश जाधव, शांताराम गुळवे,विभाग प्रमुख राजेंद्र गायकवाड, कीरण निचळ, दत्ता नार्वेकर, कमलाकर इंदुरकर, शांताराम डीगे, नितिन मोकळ, विधानसभा प्रमुख जिल्हा संघटक अंजली राऊत, शहर संघटक मीना मळवे, संगीता गांधी, स्वाती चव्हाण, प्रतिमा धुमाळ, सुलोचना फेगडे, नितीन मोकल, चंद्र प्रसाद, आदी पदाधिकारी आणि मोठ्या संख्येने शिवसैनिक उपस्थित होते.
महाराष्ट्रात मराठी भाषा शाळा, सरकारी कार्यालये, न्यायव्यवस्था याठिकाणी अग्रक्रमाने वापरली गेली पाहिजे, परंतु हिंदी सक्तीमुळे मराठी भाषिक विद्यार्थ्यांवर ताण येत असून, हा निर्णय महाराष्ट्राच्या अस्मितेला धोका देणारा आहे असे विचार महिला आघाडीच्या जिल्हा संघटक अंजली राऊत व्यक्त केले .
आंदोलन शांततेत पार पडले असले तरीही सरकारने या विषयाकडे गांभीर्याने लक्ष न दिल्यास पुढील काळात मुंबईसह राज्यभरात तीव्र आंदोलन करण्यात येईल, असे आंदोलनकर्त्यांनी या वेळी स्पष्ट केले आहे.
दरम्यान हे आंदोलन समाप्ती नंतर काही वेळातच समाज माध्यमांवर फडणवीस सरकारने हिंदी धार्जीने आणि मराठीची गळचेपी करणारे काढलेले दोन्हीही आदेश रद्द केल्याचे वृत्त समाज माध्यमांवर आल्या नंतर आंदोलकांनी आनंद व्यक्त केला . ( आनंद गायकवाड )