Скачать или смотреть TANZANIA NA SWEDEN KUIMARISHA USHIRIKIANO WA KIUCHUMI NA MAENDELEO

Waziri wa Mambo ya Nje na Ushirikiano wa Afrika Mashariki, Mhe. Mahmoud Thabit Kombo, leo tarehe 19 Machi 2025 amekutana kwa Mazungumzo na Mhe. Johan Forssell, Waziri wa Uhamiaji wa Sweden.

Katika mazungumzo hayo viongozi hawa waligusia namna za kuboresha ushirikiano kwenye nyanja mbalimbali za maendeleo na uchumi ili kuimarisha uhusiano uliopo kwa takribani miaka 63 sasa.

Mazungumzo hayo yamefanyika katika Ofisi ndogo za Wizara jijini Dar es Salaam ambapo viongozi hao walijadili pamoja na mambo mengine kuongeza uwekezaji baina ya pande mbili na kushirikiana zaidi katika masuala ya uhamiaji.

Mhe. Forssell anahitimisha leo ziara yake ya siku tatu nchini ambapo pamoja na mambo mengine alitembelea mkoa wa Kigoma kujionea jinsi Serikali kwa kushirikiana na mashirika na mataifa mengine inavyoshughulikia kwa weledi masuala ya wakimbizi.

Viongozi hawa kwa pamoja wameazimia kutafuta pamoja na washirika wengine suluhisho la kudumu la kuondokana na wakimbizi ambalo ni amani, lakini pia kushirikiana zaidi kuongeza uwekezaji kwa maendeleo endelevu ya pande zote mbili