Скачать или смотреть EPİLEPSİYA NƏDİR?! EPİLEPSİYA NECƏ MÜALİCƏ OLUNUR?! HAMİLƏLİK VƏ EPİLEPSİYA...

Nevroloq və EEG mütəxəssisi Dr.Leyla Şahbazova

Əlaqə nömrəsi: +994 55 266 77 15

Sayt: https://www.doctorleyla.com/

İnstagram: https://www.instagram.com/p/CBVx8xlAL...

Facebook: https://m.facebook.com/story.php?stor...



1. Epilepsiya nədir?

Epilepsiya beyin funksiyasının qısa müddətli pozulması ilə ortaya çıxan kliniki vəziyyətdir. Beyin impulslar vasitəsilə funksiyasını həyata keçirir,və epilepsiya xəstəliyində isə beynin bioelektrik fəaliyyətində, anormal impuls boşalmaları baş verir,bu zamanda epileptik tutma baş verir. Epilepsiya diaqnozu qoyulması üçün epileptik tutmaların sayı bəlli bir müddət fərqi ilə birdən çox olmalıdır. Epilepsiya qadın və kişilərdə eyni sıxlıqda rastlanır. Hər yaşda görülə bilən bir xəstəlikdir,lakin onu bilməliyik ki, hər qıcolma tutması epileptik tutma deyil.

2. Səbəbləri nələrdir?

Epilepsiya xəstəliyi müxtəlif səbəblərdən ola bilər. Epilepsiyaya səbəb ola biləcək amillər bunlardır:
• Hippokampal skleroz
• Beyin şişləri
• Hipoksik-işemik beyin zədələnmələri
• Mərkəzi sinir sistemi infeksiyaları
• İmmun vasitəçiliyi olan iltihablar
• Beyin toxumasının inkişaf pozğunluqları
• Beyin damarlarında inkişaf pozğunluqları
• İrsi xəstəliklər və genetik səbəblər.
Lakin bu amillərə baxmayaraq çox vaxt epilepsiyanın səbəbi bilinmir.

3. Epileptik tutmanın tipləri...

Həkimlər çox qısa müddətli diqqət yayınıqlığından tutmuş uzun müddət davam edən konvulsiyalar şəklində olan 30-dan çox, müxtəlif tutma növü təyin edirlər.
Lakin ümumi olaraq epileptik tutmalar parsial və generalizə olaraq ayrılır.



Parsial tutmalar beyinin bir hissəsi ilə məhdudlaşır.
Sadə parsial tutma zamanı insanın şüuru açıq olur və ətrafda olanların fərqində olur. Sadə parsial tutma əsmə, uyuşma, tərləmə, yüngül keyləşmə, ürəkbulanma, qavrama, yaddaş pozğunluğu və ya 'deja vu' hissi ilə özünü biruzə verə bilər.
Kompleks parsial tutma zamanı şüurda dəyişiklik və ya şüurun itməsi görülə bilər,bu da zehni qarışıqlığa yol aça bilər. İnsan yuxudaymış kimi özünü hiss edə bilər, emosional partlamalar ola bilər və ya tez-tez göz qırpmaları, tiklər kimi qəribə və təkrarlanan davranışlar sərgiləyə bilər.
İkincili generalizə tutmalar isə parsial tutma kimi başlayır və beynin geri qalan qisminə yayılaraq, generalizə tutmaya çevrilir.
Absans tutma boşluğa baxma (donma, fikrə getmə) kimi görünür, bu zaman insanın şüuru özündə olmur . Adətən uşaq yaşlarda görünür və diqqət əksikliyi ilə qarışdırılır.
Mioklonik tutma şüura təsir etmir. Əzələ səyirməsi və tiklərlə müşahidə oluna bilər. Ani şəkildə və tez – tez görülə bilər.
Klonik tutma anidən əzələlərin gərginləşməsi və boşalması ilə gedən əzələ səyirmələridir.
Tonik tutma əzələlərinin anidən yığılması ilə müşahidə olunan və adətən kürək, yuxarı və aşağı ətraflarda görülən qısa müddətli əzələ sərtləşməsii ilə xarakterizə olunur. İnsan ayaq üstdədirsə bu zaman yerə yıxılacaq. Qısamüddətlidir və heç bir xəbərdarlıq əlaməti olmadan baş verir.
Tonik – klonik tutma adətən qışqırıqla başlayır və ən yayğın tutma formasıdır. İnsan ayaq üstdədirsə bu zaman yerə yıxılacaq,əzələləri sərtləşəcək (tonik mərhələ), ardından əzələ səyirməsi, nəfəs darlığı və nəfəsin qısa müddətli dayanması, dəri rənginin avazıması olur (klonik mərhələ).
Atonik tutma zamanı bütün əzələlərdə qəfildən, qısa müddətlik tonus itir və insan durduğu təqdirdə yerə yıxılır.