Скачать или смотреть Ernakulam announces lockdown-like restrictions on coming days | Keralakaumudi

കോവിഡ് കണക്കുകള്‍ കൈവിട്ട് കുതിക്കുന്ന എറണാകുളം ജില്ലയില്‍ ലോക്ഡൗണിന് സമാനമായി ഇന്നും നാളെയുമായുള്ള അധിക നിയന്ത്രണങ്ങളില്‍ പലതും വരുദിവസങ്ങളിലും തുടരാന്‍ ആലോചന. ജില്ലയിലെ അവശ്യസര്‍വീസ് ഒഴികെയുള്ള എല്ലാ കടകളും ഇനി മുതല്‍ രാത്രി 7.30ന് അടയ്ക്കണമെന്ന് ജില്ലാ കലക്ടര്‍ എസ്.സുഹാസ് ഉത്തരവിട്ടു. ജില്ലയില്‍ അറുപത്തിയഞ്ച് പുതിയ കണ്ടെയിന്‍മെന്റ് സോണുകള്‍കൂടി നിലവില്‍വന്നു.
വീണ്ടും നാലായിരം കടന്ന ജില്ലയിലെ കോവിഡ് കണക്കുകള്‍ തീര്‍ത്തും ഗുരുതരമായ സ്ഥിതിയാണ് ചൂണ്ടിക്കാട്ടുന്നത്. ഇന്നും നാളെയും ഹോട്ടലുകള്‍, തട്ടുകടകള്‍ എന്നിവിടങ്ങളില്‍ ഇരുന്ന് ഭക്ഷണം കഴിക്കാന്‍ അനുവദിക്കില്ല. പാഴ്സല്‍ വിതരണം മാത്രം. ഹോട്ടലുകള്‍ക്ക് രാത്രി 9 മണി വരെ പ്രവര്‍ത്തിക്കാം. അമ്യൂസ്‌മെന്റ് പാര്‍ക്കുകള്‍, എന്റര്‍ടെയ്ന്‍മെന്റ് പാര്‍ക്കുകള്‍, ജിമ്മുകള്‍, സമ്പര്‍ക്കമുണ്ടാകുന്ന കായിക വിനോദങ്ങള്‍ എന്നിവ നിരോധിച്ചു. സ്വകാര്യ വാഹനങ്ങളിലെ അനാവശ്യ യാത്രകള്‍ക്കെതിരെ നടപടി സ്വീകരിക്കും. പൊലീസിന്റെ കര്‍ശന പരിശോധനയുണ്ടാകുമെന്നും കലക്ടര്‍ അറിയിച്ചു.