Malik Alma - A baba rebbi ad k-yerḥem

Anaẓuṛ Malik Alma yuɣal-d s tezlit tamaynut isemma-as ''A baba Rebbi Ad k-yerḥem'' ad tili d tajmilt i baba-s yewwḍen s anda ara naweḍ deg duǧember 1993, di leεmer-is 51 n yiseggasen.

• Paroles, musique et interprétation :
Malik Alma
• Arrangements, mixage et mastering :
Nadjib MESBAHI
• Montage :
Mouloud LAMARA

Ɣef wakken i ɣ-d-yeḥka Malik, netta yella d anelmad di tseddawit n Bumerdas, yecfa ass-n d arim (lundi) yeɣra almi d ttnaṣfa n wass, yerra srid ɣer texxamt-is, iḥulfa am wakken yella kra s-d-yeqqaren ruḥ s axxam. Mi yewweḍ s axxam tameddit, yekcem-d baba-s deg yir liḥala, yugi ad iruḥ ɣer umejjay. Ɛawzen akken, baba-s yeṭṭes netta ur s-d-iris ara nadam, almi d udem n ṣbeḥ ufan lamana tewweḍ bab-is. Taεekkemt teɣli-d ɣef yemma-s maca ur tt-yeffiɣ ara leεqel, tessaweḍ tesker-d 10 warraw-is, ula ma arrac d teḥdayin ɣellin ttnekkaren, d liḥala n ugujil. Tizlit-agi d tajmilt ula i nettat, am wakken ad tili d tajmilt akk i wid i sen-yefkan afus n tallelt gar-asen setti-s d jeddi-s.
Yenna diɣ Malik : ''Tamsirt n tiggujelt, tewwi-d ɣef umdan ur yettayes ara si rreḥma n Rebbi, win iwumi yekkes si tama ad s-d-yefk si tama nniḍen''.