Urdu Ghazal Apne Guzre Hovy Lamhaat Zara Yaad Karo ||Zulfiqar Raaz||

apne guzre hue lamhāt zarā yaad karo

roz hotī thī mulāqāt zarā yaad karo

kyā suhānī thī ghaḌī kaisā suhānā mausam

chāñd tāroñ kī hasīñ raat zarā yaad karo

tum agar bhuul ga.e ho to koī baat nahīñ

is añgūThī kī vo sauġhāt zarā yaad karo

chhat pe aa jaate the kapḌoñ kā bahānā kar ke

kyā mohabbat ke the jazbāt zarā yaad karo

merī marzī meñ huā kartī thī terī marzī

kitne milte the ḳhayālāt zarā yaad karo

kis qadar merī mohabbat ke zamāna thā ḳhilāf

bas akelī thī mirī zaat zarā yaad karo

ġham ke bādal jo uThā karte the dil par 'ārif'

apne ashkoñ kī vo barsāt zarā yaad karo

#urdughazal

#musically

#musiclovers

#musicvideo

#baltimoreravens

#baltimore

#zulfiqarraaz

#ghazal

#sadghazal

#sadsong

#sadstory