Скачать или смотреть Деревенский праздник отметили в Тории. Թորիայում նշվեց գյուղի տոնը

Թորիայում նշեցին գյուղի օրը: Երեկ օգոստոսի 3-ին Նինոծմինդայի շրջանի Թորիա գյուղում նշվեց գյուղի տոնը։ Դհոլ զուռնա, երգ ու պար, կյանքը գյուղում փոխվեց մի ակնթարթում: Գյուղամեջ էին հավաքվել բնակիչները, ինչպես նաև նրանք, ովքեր արդեն հեռացել են գյուղից, բայց չեն կորցրել կապը հարազատ գյուղի հետ։ Միջոցառմանը ներկա էին նաև Վրաստանի խորհրդարանի պատգամավոր Սմբատ Կյուրեղյանը, տեղական ինքնակառավարման մարմինների ներկայացուցիչները և բազմաթիվ հյուրեր այլ համայնքներից: Ինչպես ամեն տարի տոնը նախաձեռնել ու կազմակերպել էին ռուսաստանաբնակ թորիացիները` իհարկե գյուղում բնակվողների համատեղ ջանքերով։ Մինչ տոնի գեղարվեստական մասի մեկնարկը, Թորիա գյուղի գլխավոր այցեքարտերից մեկը համարվող Սուրբ Աստվածամայր եկեղեցում կատարվեց սուրբ պատարագ, որից հետո հյուրերը և կազմակերպիչները ծաղիկներ խոնարհեցին Հայրենական մեծ պատերազմի զոհերի հիշատակը հավերժացնող հուշակոթողին։