Saqqal, sarğı və İrəvana yürüş

Azərbaycan və Ermənistan xarici işlər nazirləri 3 aydan sonra yenidən görüşdü. Görüş Ermənistanda etiraz askiyaları fonunda baş tuturdu. Aksiyalar həftələrdir davam edir. Bu həftə kənddən şəhərə gəldilər. Deyəsən, 96 yaşlı Lena Kardaşyanın xeyir-duasının bir xeyri olmadı. Heç keşiş Baqrat Qalstanyanın Tanrıya duasının da. Baqrat İrəvana yürüşə başlayanda qara qiyafədə idi. İrəvana çatar-çatmaz ağ libasa büründü. Qaranı bəyaza dəyişməyini iki səbəblə izah etmək olar. Aksiyadan birbaşa məzara gedəcəyini düşünüb sanki kəfən geyinmişdi. Hərçənd xristianlarda kəfən yoxdur. Ya da ağ günə çıxacaqlarını düşünürdü. Deyəsən, ağ günü də özünün hakimiyyətə gəlməyində görür. Ağ günləri indidir, yoxsa qarşıda, hələ bilinmir. Ermənistanda vəziyyət qarışıqdır. Paşinyan isə narahat olana bənzəmir. Gah mətbuat konfransı keçirdi, gah Moskvaya uçdu. Dönəndə çox şey dəyişməmişdi. Kilsə və müxalifət Azərbaycanla delimitasiya prosesinə yenə etiraz edirdi. Paşinyan hesab edir ki, siyasi hərəkatın başında 2-ci Qaregin və Robert Koçaryan dayanır. Bu, birbaşa Rusiyaya işarə idi. Əslində İrəvanda baş verənlər əvvəlcədən yazılan tamaşanı xatırladır. İrəvan bu səhnəyə 6 il əvvəl də şahidlik etmişdi. O vaxt İrəvana yürüş edən Paşinyan və tərəfdarları idi. Paşinyan hakimiyyətə bu yolla gəlmişdi – küçədən. İndi yenidən küçəyə dönəcəkmi? Bu dəfə yolun sonu Paşinyan üçün görünürmü? Şərhimizdə.




Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet