Скачать или смотреть exposed in Sindh Human Settlement Authority | Former Secretary's letter to Anti-Corruption

#pakawaminews
Hyderabad mein Sindh Human Settlement Authority (jo pehle Sindh Katchi Abadi Authority ke naam se jani jati thi) mein arabon rupay ki mabaina corruption ka inkشاف samne aaya hai.
Sabqah Secretary aur Director General Kashif Khan ne Anti Corruption Establishment Sindh ko baqaida khat likh diya hai, jismein ghair qanooni zameenon ki farokht, jaali dastawizat, jaali signatures aur rishwat ke zariye ghareeb logon ko nokriyan dene jaise sangin ilzamat ka zikar kiya gaya hai.
Zarai ke mutabiq Amanullah Sheikh aur Jibran Nasir samait kai afraad ke khilaf dobara inquiries aur qanooni karwai ki sifarish ki gayi hai. Amanullah Sheikh par ilzam hai ke unhon ne maazi mein ghareeb afraad se croreon rupay rishwat lekar jaali bunyaadon par nokriyan faraham ki theen, jin ki bunyaad par unhein pehle hi job se farigh kiya ja chuka tha.
Baad azan, mabaina tor par jaali signatures aur sifarishon ke zariye unki bahali ka mamla samne aaya, jis par sabqah Secretary Jalaluddin Mehr ne DG ki hidayat par Anti Corruption ko khat likha.
Awami halqon aur mutasireen ka mutalba hai ke idaray mein maujood corrupt afraad ke khilaf fori, shaffaf aur ghair janibdaar tahqiqat ki jayein taake zimmedaar afraad ko qanoon ke kathehre mein laya ja sake.
Is khat ki roshni mein Anti Corruption Establishment Sindh ki janib se karwai shuru honay ki tawaqqa hai. Dekhna yeh hai ke kya is bare corruption case mein haqeeqi ehtesaab hota hai ya nahi.
Mazeed updates ke liye channel ko Subscribe karein aur video ko Like & Share zaroor karein.
#SindhCorruption
#HumanSettlementAuthority
#KatchiAbadiAuthority
#HyderabadNews
#AntiCorruption
#PakistanNews
#BreakingNews
#SindhGovernment
#CorruptionScandal
#JusticeForPoor