Скачать или смотреть ចាប៉ីដងវែង រឿងបុទុមវង្ស​ មួយចប់ ច្រៀងដោយ លោកព្រឹទ្ធាចារ្យ ណុប ង៉ែត ហៅ ពូថៅដៃ

ចាប៉ីដងវែង រឿងបុទុមវង្ស​ មួយចប់ ច្រៀងដោយ លោកព្រឹទ្ធាចារ្យ ណុប ង៉ែត ហៅ ពូថៅដៃ #ចាប៉ីដងវែង #ចម្រៀងចាប៉ី #រឿងបុទុមវង្ស​មួយចប់

លោកព្រឹទ្ធាចារ្យ ណុប ង៉ែត ១៩២២-១៩៧៧ (៥៥ឆ្នាំ) ហៅ ពូថៅដៃ។ លោកតា គឺជាស្តេចចាប៉ីដងវែងនៃកម្ពុជា ជំនាន់ទី២ ដូចលោកព្រឹទ្ធាចារ្យ ប៉ែន ឌុក ហៅ ចង្កូម៨ ដែរ។ លោកតា បានកើតនៅភូមិត្រពាំងសាលា ឃុំរកាក្រៅ ស្រុកដូនកែវ ខេត្តតាកែវ។ លោកតា បានស្លាប់ក្នុងរបបខ្មែរក្រហម សម័យ ៣ឆ្នាំ ៨ខែ ២០ថ្ងៃ ដោយការបង្អត់អាហារ និងធ្វើទារុណកម្ម។ លោកតា មានឪពុកឈ្មោះ ណុប និងម្តាយឈ្មោះ យួន។ លោកតា មានបងប្អូន៥នាក់ (ស្លាប់ទាំងអស់ ) និងមានប្រពន្ធបីនាក់ ហើយមានកូនទាំងអស់ ១៨នាក់ តែស្លាប់អស់ គឺនៅរស់តែតែលោក ណុប ធូ ម្នាក់គត់។ លោកតា បានទៅរៀននៅវត្តក្រាំងដៃ និងបួសជាសាមណេរបាន៤ព្រះវស្សា ក្រោយមកលោកតា បានលាចាកសិក្ខាបទវិញដើម្បីជួយការងារម្តាយឪពុក។ អំឡុងពេលនៅវត្ត និលាចាកសិក្ខាបទ លោកតាពូថៅដៃ បានខិតខំរៀនចាប៉ីរហូតបានដល់ចេះចាំស្ទាត់។

ចង្កូម៨    • [NONSTOP​ FULL COLLECTION ALBUM] ចាប៉ីដងវែ...  
ហ្លួងវោហារសែម    • [NONSTOP​ FULL COLLECTION ALBUM] ចាប៉ីដងវែ...  
ក្រមង៉ុយ    • [NONSTOP​ FULL COLLECTION ALBUM] បណ្តាំក្រ...  
ទម្លាប់ វប្បធម៌ ប្រពៃណី    • ទម្លាប់ វប្បធម៌ ប្រពៃណី  
មរតកតន្ត្រី សម័យ បុរាណ    • មរតកតន្ត្រី សម័យ បុរាណ  

Overview:
«ចាប៉ី» ជាពាក្យក្លាយមកបីពាក្យសំស្ក្រឹតថា «ចក្ឆប៉ី»។ ហៅឈ្មោះថា ចាប៉ីដងវែង មកពីចាប៉ី នេះមានដងវែងទន្ទាំ។ ចាប៉ីដងវែងជាឧបករណ៍មានខ្សែ២ ឬ៤ ប៉ុន្តែវាមានសំនៀងតែ២ទេ។ វាសម្រាប់ប្រគំក្នុងវង់ភ្លេងការបុរាណ វង់ភ្លេងអារក្ស វង់ភ្លេងមហោរីជាដើម និងប្រើទោលសម្រាប់លេងកំដរចម្រៀងកំណាព្យ។ វាចែកចេញជា ដង ព្រលួត ប្រកៀន(ធរណី) ខ្ទង់ ស្នូក(ប្រអប់សំនៀង) ក្រាញ(គីង្គក់) ខ្សែ និងក្រចក។ ក្រាញធ្វើអំពីឈើធ្នង់។ ខ្សែសំនៀងធ្វើពីសរសៃសូត្រ និងខ្សែនីឡុង។ ចាបុីដងវែង ត្រូវបានបញ្ជូលក្នុងបញ្ជីបេតិកភណ្ឌអរូបីនៃមនុស្សជាតិនៅថ្ងៃទី៣០ ខែវិច្ឆកា ឆ្នាំ២០១៦។

Function:
ចាប៉ីដងវែងមានមុខងារសំខាន់ ៤យ៉ាងគឺ៖
១. សំខាន់ក្នុងវង់ភ្លេងអារក្ស ដោយគេយកឧបករណ៍នេះទៅប្រគំចូលជាមួយឧបករណ៍ដទៃទៀតក្នុងពេលលៀងអារក្សម្ដងៗតាំងពីសម័យយូរលង់ណាស់មកហើយ ។
២. សំខាន់ក្នុងវង់ភ្លេងការបុរាណដែលជាប្រពៃណីរបស់ដូនតាយើងតាំងពីរាប់ពាន់ឆ្នាំមកហើយ ។
៣. សំខាន់សម្រាប់កំដរចំរៀងបែបកំណាព្យ ដែលអ្នកច្រៀងត្រេះផងច្រៀងផងមានប្រជាប្រិយបំផុត ។
៤. សំខាន់ក្នុងវង់ភ្លេងមហោរីសម័យដំបូងបង្អស់ ប៉ុន្ដែសម័យបច្ចុប្បន្ននេះ ចាប៉ីដងវែងគ្មានវត្ដមានក្នុងវង់ភ្លេងមហោរីនេះទៀតទេ។

Structure:
ចាប៉ីដងវែងរបស់យើងមានលក្ខណៈដូចជា ៖ ដងទាំងវែងចែកចេញជា២ឈ្មោះ គឺដង និងប្រពែ។
-ប្រពែ គឺចាប់ពីប្រលួតទៅដល់ផ្នែកខាងចុង។
-ដង គឺចាប់ពីព្រលួតទៅទល់នឹងប្រអប់សំនៀង។ ដងធ្វើអំពីដើមក្រសាំងកាលពីសម័យដើម ប៉ុន្ដែបច្ចុប្បន្ននេះគេយកឈើដទៃទៀតដែលមានគុណភាពប្រហាក់ប្រហែល នឹងដើមក្រសាំងមកធ្វើ ។
-ព្រលួត (បង្គាន) មាន២ ៣ ឬ៤ ចាប៉ី ខ្លះមានព្រលួត២សម្រាប់រឹតខ្សែសំនៀង២ ចាប៉ីខ្លះមានព្រលួត៤ គឺសម្រាប់រឹតខ្សែសំនៀងទាំង៤ឱ្យមានសំនៀងតែ២ ដូចចាប៉ីដែលមានព្រលួត២ដែរ។ ព្រលួតទាំងអស់នោះធ្វើអំពីឈើរឹងដូចជាឈើនាងនួន ឈើគ្រញូង ។ល ។ មានទំហំ និងប្រវែងប៉ុនៗគ្នា ។
-ធរណី គឺជាខ្ទង់ខ្ពស់ជាងខ្ទង់ដទៃ ដែលស្ថិតនៅកៀកនឹងព្រលួតសម្រាប់ទ្រខ្សែសំនៀងឱ្យផុតពីខ្ទង់ទាំងឡាយ។ ធរណីនេះច្រើនតែបញ្ចុះក្បាច់ក្បូរលម្អ។ ខ្ទង់មានចំនួន១២ដែលតូចធំ ទាបខ្ពស់ជាងគ្នាជាលំដាប់លំដោយមានចន្លោះពីមួយទៅមួយតាមកម្រិតសំនៀងរបស់ ខ្លួន។ គ្រប់ខ្ទង់ទាំងអស់មានចោះប្រហោងចំកណ្ដាលសម្រាប់ដោតខ្សែការពារ ជ្រុះបាត់ ។
-ស្នូក ឬប្រអប់សំនៀងមានរាងដូច ផ្លែម្នាស់ ស្នូកខ្លះទៀតមានរាងស្ទើរជ្រុងស្ទើរមូល ។ កាលពីសម័យដើម គេយកដើមរាំង មកធ្វើស្នូក បច្ចុប្បន្ននេះគេយកប្រភេទឈើដែលមានគុណភាពប្រហាក់ប្រហែលនឹងដើមរាំងមកធ្វើ ។
-ខ្សែចាប៉ីដងវែងមានខ្សែ២ ឬ៤ ប៉ុន្ដែខ្សែ៤មានសំនៀងតែ២ទេ។ ខ្សែទី១ តូចឈ្មោះថា ខ្សែឯក។ ខ្សែទី២ធំឈ្មោះថា ខ្សែគ។ខ្សែទាំង២នេះកាលពីសម័យដើមធ្វើអំពីសរសៃសូត្រវេញចូលគ្នា ប៉ុន្ដែបច្ចុប្បន្នគេយកខ្សែជ័រនីឡុងមកប្រើជំនួសវិញ ។
-ក្រចកសម្រាប់ត្រេះធ្វើអំពីបន្ទះស្នែងតូច ស្ដើងវែង ដូចជាស្នែងគោ ឬក្របី ។ល។

Tone:
ចាប៉ីដងវែងមានលក្ខណៈពិសេសក្នុងការប្រើសំនៀង ត្រួតជាងសំនៀងរាយ។ នៅពេលប្រគំបទណាក៏ដូចជាបទណាដែរ គេតែងតែត្រេះខ្សែទាំង២ស្មើគ្នា ប៉ុន្ដែលំនាំសាច់បទ គឺស្ថិតនៅលើខ្សែឯកដោយគេប្រើម្រាមដៃចុចចុះចុចឡើងទៅតាមលំនាំ នៅលើខ្សែនេះ រីឯខ្សែគ គេត្រេះបង្ហើរចោលសម្រាប់ជួយបន្ទរសាច់បទប៉ុណ្ណោះ។ ប្រសិនបើគេចង់បានចាប៉ីដងវែងឱ្យមានសំនៀងល្អ ឮខ្លាំង គេត្រូវធ្វើវាតាមពាក្យស្លោកចាស់បុរាណថា «ស្នូករាំង ដងក្រសាំង សន្ទះខ្ទុម្ព គីង្គក់ធ្នង់ ខ្ទង់ឆ្អឹង»។

Rhythm:
សាច់ភ្លេងធំៗទាំង ៤ សម្រាប់លេងកំដរពេលច្រៀងទោល និងឆ្លើយឆ្លងរួមមាន៖
១. បទផាត់ជាយ៖ ប្រើសម្រាប់នមស្សកា (គុណព្រះរតនត្រ័យ)រំលឹកគុណគ្រូ មាតា បិតា)។
២. បទសំពោង៖ ប្រើសម្រាប់បង្ហាញអារម្មណ៍កំសត់ និរាសព្រាត់ប្រាស។
៣. បទផាត់ជាយក្លាយ៖ ប្រើសម្រាប់រៀបរាប់ដំណើររឿងវែងអន្លាយ។
៤. បទនគររាជ៖ ប្រើសម្រាប់ជូនពរជ័យ។

Legendary:
ព្រឹទ្ធាចារ្យចាប៉ីដងវែងជើងចាស់ មានដូចជា៖
ព្រឹទ្ធាចារ្យ ប្រាជ្ញ ឈួន
ព្រឹទ្ធាចារ្យ គង់ ណៃ
ព្រឹទ្ធាចារ្យ នេត ប៉េ

អ្នកចាប៉ីដងវែងបច្ចុប្បន្ន មានដូចជា៖
លោកស្រី ស៊ិន សយ
លោក ពេជ្រ សារ៉ាត់
លោក ឌួង សុខគា

#ចាប៉ីដងតាពូថៅដៃ #ស្តេចចាប៉ីដងវែងណុបង៉ែត #ព្រឹទ្ធាចារ្យណុបង៉ែត #តាពូថៅដៃ #ស្រីតូចស្រីធំ​ #ssreytochssreythom