Скачать или смотреть New Zealand Flood: Tropical storm hits North Island

ਨਿਊਜ਼ੀਲੈਂਡ ਵਿਚ ਭਾਰੀ ਮੀਂਹ ਤੇ ਹੜ੍ਹ
ਕਈ ਖੇਤਰਾਂ ਦੇ ਵਿਚ ਸਥਾਨਕ ਐਮਰਜੈਂਸੀ ਐਲਾਨੀ-ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ਉਤੇ ਜਾਣ ਲਈ ਕਿਹਾ
............ਹਰਜਿੰਦਰ ਸਿੰਘ ਬਸਿਆਲਾ...........
ਔਕਲੈਂਡ, 21 ਜਨਵਰੀ 2026: -ਨਿਊਜ਼ੀਲੈਂਡ ਦੇ ਉੱਤਰੀ ਟਾਪੂ ਵਿੱਚ ਭਾਰੀ ਮੀਂਹ ਅਤੇ ਹੜ੍ਹ ਦਾ ਕਹਿਰ ਇਸ ਵੇਲੇ ਬਰਪ ਰਿਹਾ ਹੈ। ਨਿਊਜ਼ੀਲੈਂਡ ਦੇ ਉੱਤਰੀ ਟਾਪੂ ਵਿੱਚ ਇੱਕ ਭਿਆਨਕ ਗਰਮ ਖੰਡੀ ਤੂਫ਼ਾਨ ਨੇ ਦਸਤਕ ਦਿੱਤੀ ਹੋਈ ਹੈ, ਜਿਸ ਕਾਰਨ ਕਈ ਇਲਾਕਿਆਂ ਵਿੱਚ ‘ਰੇਡ ਵਾਰਨਿੰਗ’ ਜਾਰੀ ਕੀਤੀ ਗਈ ਹੈ।
ਇਕ ਵਿਅਕਤੀ ਲਾਪਤਾ: ਆਕਲੈਂਡ ਦੇ ਉੱਤਰ ਵਿੱਚ ਪੈਂਦੀ ਮਾਹੂਰੰਗੀ ਨਦੀ ਨੂੰ ਪਾਰ ਕਰਦੇ ਸਮੇਂ ਇੱਕ ਵਿਅਕਤੀ ਆਪਣੀ ਗੱਡੀ ਸਮੇਤ ਪਾਣੀ ਦੇ ਤੇਜ਼ ਵਹਾਅ ਵਿੱਚ ਰੁੜ੍ਹ ਗਿਆ। ਗੱਡੀ ਵਿੱਚ ਸਵਾਰ ਦੂਜਾ ਮੁਸਾਫ਼ਰ ਬਚਣ ਵਿੱਚ ਕਾਮਯਾਬ ਰਿਹਾ, ਪਰ ਡਰਾਈਵਰ ਦਾ ਅਜੇ ਤੱਕ ਕੁਝ ਪਤਾ ਨਹੀਂ ਲੱਗ ਸਕਿਆ। ਖ਼ਰਾਬ ਮੌਸਮ ਕਾਰਨ ਪੁਲਿਸ ਨੂੰ ਅੱਜ ਦੀ ਭਾਲ ਰੋਕਣੀ ਪਈ ਹੈ।
ਐਮਰਜੈਂਸੀ ਦਾ ਐਲਾਨ: ਨੌਰਥਲੈਂਡ, ਕੋਰੋਮੰਡਲ , ਤੈਰਾਵਿਟੀ , ਬੇਅ ਆਫ ਪਲੇਨਟੀ ਅਤੇ ਹੌਰਕੀ ਵਿੱਚ ਸਥਾਨਕ ਐਮਰਜੈਂਸੀ ਲਾਗੂ ਕਰ ਦਿੱਤੀ ਗਈ ਹੈ।
ਭਾਰੀ ਮੀਂਹ ਦੀ ਚੇਤਾਵਨੀ: ਮੌਸਮ ਵਿਗਿਆਨੀਆਂ ਅਨੁਸਾਰ ਅਗਲੇ 2-3 ਦਿਨਾਂ ਵਿੱਚ ਇਨ੍ਹਾਂ ਇਲਾਕਿਆਂ ਵਿੱਚ ਇੱਕ ਮਹੀਨੇ ਜਿੰਨਾ ਮੀਂਹ ਪੈ ਸਕਦਾ ਹੈ। ਕਈ ਥਾਵਾਂ ’ਤੇ 250 ਮਿਲੀਮੀਟਰ ਤੱਕ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ।
ਲੋਕਾਂ ਨੂੰ ਨਿਕਲਣ ਦੀ ਹਦਾਇਤ: ਨੀਵੇਂ ਇਲਾਕਿਆਂ ਵਿੱਚ ਰਹਿਣ ਵਾਲੇ ਲੋਕਾਂ ਅਤੇ ਸੈਲਾਨੀਆਂ ਨੂੰ ਤੁਰੰਤ ਸੁਰੱਖਿਅਤ ਥਾਵਾਂ ’ਤੇ ਜਾਣ ਲਈ ਕਿਹਾ ਗਿਆ ਹੈ ਕਿਉਂਕਿ ਹੜ੍ਹ ਕਾਰਨ ਜਾਨੀ ਨੁਕਸਾਨ ਦਾ ਖ਼ਤਰਾ ਬਣਿਆ ਹੋਇਆ ਹੈ।
ਆਵਾਜਾਈ ਵਿੱਚ ਵਿਘਨ: ਆਕਲੈਂਡ ਸਮੇਤ ਕਈ ਸ਼ਹਿਰਾਂ ਵਿੱਚ ਭਾਰੀ ਜਾਮ ਲੱਗੇ ਹੋਏ ਹਨ। ਜਿੱਥੇ ਸਫ਼ਰ ਵਿੱਚ 20 ਮਿੰਟ ਲੱਗਦੇ ਸਨ, ਉੱਥੇ ਹੁਣ ਇੱਕ ਘੰਟੇ ਤੋਂ ਵੱਧ ਦਾ ਸਮਾਂ ਲੱਗ ਰਿਹਾ ਹੈ।