Скачать или смотреть Speciale/ Historia e pengmarrjes së autobusit në Rrëshen - (8 Shkurt 2006)

Lajme arkiva 2006

Anila Hoxha: “Ndodhemi në vendin e quajtur “Guri i kishës”, pak metra larg autobusit të marrë peng për më se 2 orë. Në autobus tashmë gjenden ekspertët më të mirë laboratorit kriminalistik dhe prokurorët e krimeve të rënda të cilët po matin gjurmët e mbetura. Vendi është ende i bllokuar nga forcat e RENEA-s dhe Forcat e Ndërhyrjes së Shpejt.”

Nën orë tmerri dhe të kërcënuar për jetën i kanë bërë ato 11 km të pengmarrë 30 pasagjerët e autobusit të rrëmbyer nga dy vëllezërit nga pika e karburantit Toma në Rrëshen gjer në hyrje të Rubikut.

Rifat Onuzi 22-vjeç dhe Ramiz Onuzi 27-vjeç nga fshati i Nangë i Kukësit kanë hipur në fakt në këtë autobus ashtu si dhe të gjithë pasagjerët e tjerë, në dukje për të udhëtuar, por me qëllimin për të grabitur.

Duke iu afruar Rrëshenit ata papritur kanë hapur zjarr në drejtim të postbllokut policor i cili kryente kontrolle në këtë aks rrugor. Masakra dhe minutat e frikshme për pasagjerët e këtij autobusi kanë nisur pikërisht këtu. Polici i trupit të gatshëm 40-vjeçari Fran Kaçorri ka mbetur i vrarë, ndërsa kolegu i tij Nikollë Gjikola u plagosë rënd.

I pa jetë ka dal nga ky autobus edhe pasagjeri i Kukësit Mefail Spahiu i moshës 36 vjeç. Për disa km me radhë për policinë ka qenë e pamundur të bllokojë automjetin e tmerrit në të cilin dihej se udhëtonin 2 kuksianë të armatosur, por ende të pa njohur për identitetin dhe synimet e tyre.

Përveç RENEA-s, Forcave të Ndërhyrjes së Shpejtë dhe negociatorëve të gjithë këta të veshur me anti-plumb dhe maska janë sjell në këtë aks rrugor që njihet ndryshe dhe si “Ura e Dinamos” edhe autoblinda dhe ambulanca, nuk kanë munguar dhe të ashtuquajturit snajpera.

Me 5 pasagjerët e plagosur të cilët janë Meladie Sulmata, Fatmire Kotaria, Artan Mollari, Festim Gërxhaliu dhe Sokol Çera, si dhe pjesës tjetër që konsiderohen të traumatizuar nga orët e tmerrit, të rrëmbyerit janë lënë përgjatë rrugët, ndërsa peng janë mbajtur vetëm fatorinua dhe shoferi.

Gjithsesi për policinë nuk ka qenë aq e thjeshtë të ndërhyjë jo vetëm për shkak të shkëmbimit të zjarrit, armatimit të pengmarrësve edhe me granta, por për disa minuta resht ende nuk dihej se sa të rrëmbyer gjendeshin nën kërcënimin e armëve.

Vetëdorëzimi apo arrestimi i vëllezërve u bë pasi ata u plagosën ndërsa forcave të RENEA-s u është dashur të përdorin metodën më të vështirë të situatave me pengmarrje që quhet në gjuhën policore “strune” ose ndryshe ndërhyrja me lotsjellës.

Gjithsesi edhe në përfundim të pëngmarrjes policia ka vijuar të mbajë të bllokuar aksin nacional për tua lënë në dorë ekspertëve kriminalist të shënojnë edhe ata provat e këtij rrëmbimi në një udhëtim që do të mbahet mend si më i tmerrshmi për 30 pasagjerët kuksian./tvklan.al

Gazetare: Anila Hoxha


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/