Pi.Hmuaki Hriatreng nan. 2nd Edition.

‘KAN PATHIANIN MIN HRUAI ZEL THIN’ KHB. No. - 23 1. Kan Pathianin min hruai zêl thin, Chu chu hriain ka lâwm êm êm; Ka thiltih zawng ka tih apiang, Ama kutin min hruai zêl thîn. Min hruai zêl thîn, min hruai zêl thin, Ama kutin min hruai zêl thîn; A zuitu fel tak nih ka duh, Ama kutin min hruai zêl thîn. 2. A châng chângin ka lungngaiin, A châng chângin ka lo lâwm thîn; Hlauhawmah leh hlauhawm lohvah, Ama kutin min hruai zêl thîn. 3. Thil eng pawh ka chungah thleng se, Lungngai lovin ka lo lâwm ang; Huai tak pawhin ka awm reng ang, Ama kutin min hruai zêl thîn. 4. Khawvêla thil ka tih zawhin, Ka sualte pawh ngaihdam niin; Ka thih dâwnin ka hlau lo vang, Ama kutin min hruai zêl thîn. VANLALHMUAKI (1932 - 2024) VUINA INKHAWM PROGRAMME LEH A CHANCHIN A CHANCHIN TLANGPUI : Pi Vanlalhmuaki hi Pu Thangchina leh Pi Vaidengi te fa sawm leh pakhat zinga a pakuana niin kum 1932 khan Serkhan khuaah a piang a. Mizoram buai khan Serkhan khua chu hal a ni a, Aizawl-ah a u Buangi (m/o Vanneihtluanga) te in Chanmari-ah a pasal fanaute nen an awm ve a. Kum 1971, January thla tir khan Ramhlun North Biak In bul (RSC Field bul) ah apa Pu Thangchina in, an inpui belin an lo phei leh a, kum 1984 khan tuna an awmna Basic mualah hian an awm ve ta a ni. A pianpui unaute, an upat dan indawtin : Kum 1960-ah Pu Lalliana nen inneiin fa panga an nei a, Pu Lalliana hian ni 7 May, 2002 khan a boralsan tawh a ni. An fate : 1. Lalthianghlima (L) h/o Lalramhluni 2. Lalchhandami 3. Lalnghakliana Khiangte 4. Lalhlimpuii 5. K. Lalruatkima te an ni a, tu panga a nei bawk. 3. Lalhmangaihsanga 4. KVL Malsawmdawngkima 5. KVL Malsawmzuala s/o Lalhlimpuii s/o K. Lalruatkima s/o K. Lalruatkima Pi Hmuaki hi nu inngaitlawm, nu hrisel leh harhvang tak a ni a, Pathian tih leh ngaihsak tak, inkhawm taima leh thulh zen zen lo, harsatna leh manganna karah pawh Pathian ring tlat a, Kohhran bel tlat thin mi a ni. Tawngtai a ngaina em em a, Alzheimer natnain a tlakbuak hnua rilru fim put a harsat chang pawhin tawngtaina hian a kaiharh fo thin. A hun hnuhnung : Kum 2017 atangin Alzheimer natnain a tlakbuak tan a. A buai hnu pawh hian inkhawm a ngainain a tu leh fate pawhin Biak in lam an panpui hram hram thin. Kum 2020 kum chanve vel atangin khum betin a awm chho ta a. Chhungkuain theih ang tawka buaipuiin hmasawn changte pawh nei bawk thin mahse a taksate chak lovin hniam lam a pan ve tial tial a. Ni 11 August, 2024 khan khawsik leh kaihin a tibuai a, hemi hnu hian hniam zui zelin, nimin ni 20 August, 2024 chawhma lam khan thawhah a nei tan a, chhun dar 12:00 khan a biak leh thlakhlelh ber Pathian hnenah hahdam takin chatuan atan a chawl ta a ni. Lawmthu sawina : Mimal, chhungkua leh Kohhran hoten thahnem ngai takin min tawngtaipui thin a. A nunna derthawng tak pawh hun rei tak chhung Pathianin a chelh hram hram a. Kum thum tha zet in duhsakna dawng theia a awm hi Pathian khawngaihna liau liau a ni tih kan hria a, kan lawm em em a ni. Thenawm khawveng, Kohhran leh YMA ten kan chhiat tawhah a tul zawng zawng min buaipuinaah kan lawm a, vawiin a hun hnuhnunga a thlahna inkhawma lo tel zawng zawngte hnenah lawmthu kan sawi mawlh mawlh a, Lalpan a let tam takin malsawmnain vur let che u rawh se.