Скачать или смотреть იოჰან კრუიფი გარდაიცვალა

68 წლის ასაკში მსოფლიო ფეხბურთის ლეგენდა, იოჰან კრუიფი გარდაიცვალა. სიცოცხლის ბოლო თვვების განმავლობაში ის ფილტვის კიბოს ებრძოდა.

ფეხბურთელის გარდაცვალების ცნობის გავრცელებისთანავე განცხადება ოჯახის სახელითაც გაკეთდა. მასში ნათქვამია, რომ იოჰან კრუიფი ბარსელონაში, ოჯახის წევრთა გარემოცვაში გარდაიცვალა და რომ ოჯახი ყველას თხოვს, ჭირისუფალთა პირადი ცხოვრებისადმი პატიცისცემა გამოიჩინონ.

ფეხბურთელობისას იოჰან კრუიფი ჰოლანდიურ აიაქსსა და ფეიენოორდში , ესპანურ ბარსელონასა და ლევანტეში, ასევე ამერიკულ ლოს ანჯელესსა და ვაშინგტონში თამაშობდა.

მოთამაშის კარიერის დასრულების შემდეგ კრუიფი ბარსელონას და აიაქსის, ასევე კატალონიის ნაკრების მწვრთნელი იყო.

ჰოლანდიის ნაკრების შემადგენლობაში კრუიფმა 48 მატჩი ჩაატარა და 33 გოლი გაიტანა. 1794 წელს ის მსოფლიოს ვიცე ჩემპიონი გახდა. მთლიანად კარიერაში კრუიფმა 425 გოლი გაიტანა.
ფეხბურთელობისას აიაქსთან ერთად სამჯერ აღმართა ჩემპიონთა თასი. მწვრთნელობისას კი უმთავრესი ევროპული საკლუბო ჯილდო ბარსელონასთან ერთად მოიგო.

სამჯერ დასახელდა ევროპის წლის საუკეთესო ფეხბურთელად.

იოჰან კრუიფის საფეხბურთი ფილოსოფია მარტივი იყო. და თავად ასეთნაირად ჩამოაყალიბა: ფეხბურთი ძალიან მარტივი თამაშია. რა საჭიროა 50-მეტრიანი პასის გაკეთება ბურთის დაკარგვის ძალიან დიდი ალბათობით, როცა შეიძლება პასი უახლოეს პარტნიორს მისცე. შემდეგ ის მისცემს ახლოს მყოფ თანაგუნდელს. საუკეთესო იდეა ყოველთვის ყველაზე უბრალო იდეაა. არ გინდათ, რომ ბურთი გაგიტანონ? უბრალოდ შეინარჩუნეთ ბურთი და არ მისცეთ მოწინააღმდეგეს.
ყველაზე მეტად ეზოში ბავშვების თამაშის ყურება მიყვარს. ეს ყველაზე გულწრფელი ფეხბურთია, სწორედ ისეთი ფეხბურთი, როგორსაც ჩემი გუნდები თამაშობდნენ.